إلهام شاهين: قلبي موجوع.. ورجالتنا هياخدوا بالثأر

| 2015-02-01 09:21:14

محرر الأقباط متحدون
قالت الفنانة إلهام شاهين، إن "قلبها موجوع" بسبب الأحداث في سيناء، وقتل أكثر من 30 جنديا وضابطا على يد أنصار بيت المقدس، مساء الخميس.

وأضافت "شاهين" في مداخلة هاتفية لبرنامج "حضرة المواطن" على قناة "LTC"، مساء السبت، مع الإعلامي سيد علي: "قلبي موجوع من اللي بيحصل، بنعزي أسر الشهداء وبنقولهم قلوبنا موجوعة زيكم".

وأوضحت: "لازم الأمور تبقى واضحة، مين العدو بتاعنا، مش فاهمة أحداث زي دي بتذاع على الهواء إزاي في الحزيرة، يعني الجزيرة عارفه مسبقا اللي بيحصل!".

وتابعت: "عايزين نعرف مين عدونا، عايزين نفهم أعداءنا مين دول، أي واحد يقول كلمة على الجيش تتقطع لسانه".

وخاطبت الفنان خالد أبو النجا، قائلة: "مش موافقة على كلامك خالص، وبقوله اللي عايز السيسي يسيبنا يريد إنهائنا والقضاء علينا، إحنا عايزين ايدينا في ايد بعض مع الرجل المخلص لإنقاذ البلد دي".

وتابعت: "أنا عايز اغير الشعب، الشعب نفسه فاسد.. عايزين نغيره، لأن المضللين كتير".