سنة جديدة

نشأت عدلي | 2014-12-26 16:14:06

بقلم : نشــأت عـدلي

أيام بتعدي

وساعات بتمر

وسنين بتجري

والعمر معاها بيجري

سنة وراها سنة

سنة حلوة

وسنة طعمها مر

سنة مليان افراح

وسنة كلها اتراح

نقول امتي الايام تعدي

تلاقيها هربت منك

هربت من غير مانحس

مانحس إلا باألامها

يروح النهار

ويجي الليل بهموم النهار

ننسي الفرح وتبات الالام

تبات معانا كأنها مجورانا

كأنها بقت حته منا

بس لازم يجي الفرح

ورا كل حزن فرح

يطّلع الهم من القلب

ويرمية مع الايام

وتطل علينا سنة جديدة

بأحلام جديدة

وامال جديدة