تامر بيعاير صافينار: كانت بتاخد 2 جنيه ونص.شوف

| 2013-11-14 00:00:00

أبدى الإعلامي المصري تامر أمين استيائه الشديد من قنوات الرقص الشرقي المنتشرة على النايل سات، مثل قناة «التت» و«دلع». تامر قال إنه لا يعتبر الرقص الشرقي بهذا الشكل فن، حيث أنه يرى أن الفن القائم على التعري لا يعتبر فن، قائلا: «ما تلبس هدومك ووريني فنك، هو لازم العري يبقى جزء من الرقص الشرقي علشان يبقى رقص؟!».

وأضاف – في برنامجه «ساعة مصرية» على قناة «روتانا مصرية»-: «أنا متأكد أن في بيزنس شمال بيدار حول هذه القنوات، الرقاصة بتروح تدفع فلوس للقنوات دي علشان تصورها وتصبح راقصة مشهورة بعد ما كانت مغمورة، فتتطلب بقى في كباريهات شارع الهرم، وفي الأوتيلات وممكن في السينما كمان زي ما حصل مع صوفينار الشهيرة بصافيناز».

وتابع: «صافيناز علشان عندها القدرة إنها تعمل حركات غريبة كده، أخذها السبكي يعمل بها فيلم، فبعد ما كانت لاجئة من أرمينيا بتاخد اتنين جنيه ونص دلوقتي بقت حديث الساعة، ولما واحد عالم يبقى قاعد في بيته مش لاقي ياكل ويلاقي صوفينار دي بقت ملكة الكون لازم يلطم طبعا ويسيب العلم ويشغل ولاده رقاصة».

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع