كتب: أبو العز توفيق

 

قرر محمود خليل مدير نيابة دار السلام بسوهاج اليوم السبت باشراف المستشار اسماعيل الزناتى المحامى العام لنيابات جنوب سوهاج حبس هناء بهيج لطفى 19 سنة حاصلة على دبلوم صنايع، ونشأت حاتم رسمى برسوم وشهرته شنودة 20 عام طالب ويقيمان فى الكشح بدائرة مركز دار السلام 4 ايام على ذمة التحقيقات على خلفية اتهامهم بارتكاب مذبحة الكشح.

 

هذا وقد جاءت اعترافات هناء الابنة الكبرى لأسرة الكشح المذبوحة .. انها قامت بتسهيل دخول حبيبها شنودة الى منزلهم ليقتل امها التى كانت تعارض زواجهما و3 من أخوتها الصغار .

وفي مشهد غريب ولافت قالت هناء خدوا كل عمري ومتأذوش شنودة هو معملش حاجة. 

وأكملت أنا أروح معاه أى مكان السجن، الإعدام المهم نكون مع بعض!!

وأضافت: أنا ملقتش واحد حبنى فى الدنيا زى ما شنودة حبيبى الكل حاول يفرق بينا أمى وأبويا والناس كلها علشان هو فقير وظروفه على قد حاله وأبويا مقاول كبير وعنده فلوس وعلشان كدا محصلش بينا ارتباط وهو جه البيت أكثر من مرة وأبويا شافه وكان اليوم اللى يمر عليه من غير ما كلمه يبقى يوم أسود، حرمونى أكلمه بعد ما أخدوا منى التليفون واستحملت 3 شهور من غير ما أكلمه ويوم الحادثة أنا دخلته البيت وأبويا ماكانش قاعد وطلع فوق على السطح ولقى أمى وضربها بالعتله على رأسها وبعد كدا ذبحها وغطاها بالبوص جنب الفرن ونزل كانوا أخواتى موجودين وقام بدبحهم وبالرغم اعتراف هناء الواضح والصريح الا أنها عادت وقالت محصلش ده كله أنا ضغطوا عليا علشان أحمى أخوالى ثم ارتبكت وقالت انا مش عارفة أنا عايزه أكون مع شنودة وخلاص.

 

كان اللواء محسن الجندي مدير أمن سوهاج تلقى بلاغا من بهيج وصفي العبد 51 سنة عامل من قرية الكشح يفيد بعثوره على جثة زوجته وتدعي فرحانة جرجس عطية 43 سنة ربة منزل نتيجة اصابتها بجرح قطعي بالرقبة وجروح متفرقة بالجسم وكذلك مقتل انجاله ماري 13 سنة طالبة وبيشوي 10 سنوات تلميذ ويوستينا 7 سنوات تلميذة اثر اصابتهم بجروح قطعية بالرقبة وطعنات متفرقة بأجسادهم وبسؤال المبلغ اتهم نشأت حاتم رسمي بقتل المجني عليهم بسبب رفض المبلغ زواج المتهم من ابنته هناء 19 سنة وتبين من تحريات المباحث سلامة الأبواب والمنافذ وتم القبض علي المتهم وجارِ التحقيق معه من قبل الأجهزة الأمنية وتحرر محضر بالواقعة برقم 1666 اداري المركز وتم اخطار النيابة لمباشرة التحقيق وتم نقل الجثث الى مستشفي دار السلام المركزى.