ستظهر الصفحة بشكل مختلف لآنك تستخدم نسخة قديمة من متصفح
أنترنت أكسبلورر، استخدم
التحكم فى الخط و الألوان
طباعة الصفحة
فهرس ميدان التحرير 
جديد الموقع
الأكثر قراءة
- " ش ي خ "
- صور ووثائق نادرة تتحدث عن المدينة الباسلة بورسعيد في "ذاكرة مصر المعاصرة"
- بالفيديو والصور..."وادى القمر" تحارب المرض والموت بسبب التلوت من مصنع أسمنت
- أباظة: مصر لايمكن أن يحتلها أصحاب الفكر الواحد، وهي دائمًا قادرة على الحفاظ على هويته، وفؤاد: جبهة الإبداع عازمة على مواجهة القوى الظلامية
- انفجار الخلاف بين الأخوان المسلمين وحزب النور
" ش ي خ "
بقلم: أبانوب مجدي |
الثلاثاء ١٩ فبراير ٢٠١٣ -
٤٦:
٠٨
ص +02:00 EET
| حجم الخط : |
|
|
 |
|
أبقي شيخ م الأفاضل أصلي شيخ عندى مبدأ
أنا شيخ كلامى عادل علشان كده لابد تصدق
وشي باين عليا بركه دينى هو المال والتركه
باسمه عامل كذا عركه للي يسئ ليه او يتجرأ
ع الأوره الزبيبه فطيره والدقن لأخر الجلبيه
وف ايدى السبحه كبيره منظرها ده شياكه عليا
معرفش هيفا ولا الهام ومليش فى كتر الكلام
وانا نجم نجوم الاعلام بس شوفنى واتملى فيا
كل كلامى فيه تحريم لأى كلمه ولفظ أبيح
ولا بتكلم عن الحريم ولا هوسي بيهم صريح
مش عشان حلوين زياده تبقي ليهم يوم رياده
دول جُم ل تيت وولاده وغير كده مفيش تصاريح
الأقباط دول تيت كُفار أشباه القرده والخنازير
وأكيد دول داخلين النار وكلامى ده ليهم تحذير
احنا ناس مش مفتريه بس بلدنا دى مش تكيه
اللى يعيش يدفع جزيه يااما يروح لبلاد الغير
الثوره ف دمى وف قلبي ضد الظلمه اللى ماسكين
جبت ناس كتير جنبي لا مسكوا شوم ولا سكاكين
قالوا على امى امريكانيه وانى مش مظبوط النيه
وانا غلبان عضمتى نَيه وغُلبي اكتر م المساكين
وعشان يخرصوا قولى اصل كلامى عكس هواهم
قام ظلمونى ولفقولى قضيه مع واحده من اياهم
والقضا ده مش شريف حكم عليا , قال ضعيف
وخلط الحق ويا الزيف وانا برئ من شكواهم
ف لما اتكلم هاتولى راجل مليش ف كلام النسوان
احنا النهارده ف امر عاجل والحاكم مبقاش ف امان
الفتوى بقولها وصريحه القتل لكل الشبيحه
عاطف كان ولا مديحه بلا مسخره بلا شغل جنان
و متستهبلش ياروح أمك بس عشان تفهم يامعلم
انا بفهم عن ابوك او عمك ف اسمع منى كده واتعلم
كلامى مش عاجبك ياعبيط قوم اخبط راسك ف الحيط
معدش كمان الا الهلافيت اللى يقولولى ازاى اتكلم
كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها
تابعونا على صفحتنا علي الفيسبوك
رابط دائم :
تقييم الموضوع :
