بقلم- صفوت فريز غالي
ياضلالي منك أنا مفروس
كلنا عارفين إنك مدسوس
على مصر وعايز تحرقها
وثورة ابني هاتسرقها
مـُستَعمر ذي الهكسوس
أسلوبك هابط موكوس
مش واخد منك غير فتوى
وبتفرض رأيك بالمطوة
لو راح تملالي الدنيا فلوس
واثق يا أخينا انك مهووس
ليه جاي تخرب في بلدنا
وتزعزع راحة أولادنا
كداب وكلامك كله فشوش
ماتروح أمريكا تعيش فيها
لما أنت حابب حواريها
وكلينتون على رقبتنا تدوس
فارد جناحاتك في بلادي
في كل مدينة وفي الوادي
ولسه يادوب شكة دبوس
وضعتوا إيديكوا على الميدان
وعملتوا الحاكم والسجان
وكأنِ الشعب الباقي لصوص
حلم المصري بدولة جديدة
عيش حرية وعيشة سعيدة
ضاع الحلم.. بلد منحوس

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :