اهداء خاص ل انصار مبارك..! ولكل مصرى نسى.. احنا ليه عملنا الثوره ..! لو مانسيتش.. ماتقراهاش.. مافيهاش جديد..! فاكر الفكره..! بتاعت الثوره..! وقت ما كانت لساها..بكره..! اصحى..! جه بكره.. ومعاه الفكره.. اياها..! وراح بيها ل أمبارح.. و امبارح.. ل بعده رماها..! بس غريبه.. عدت هوا وبسرعه عجيبه..!

يعنى مسافه.. ما شربت يا حلو..حجر الشيشه..! خد يا عم.. المصرى انت.. بسهوله كده خلوك تنسى..؟ على فكره.. لسه طريقك..ماخلصش..! ولسه
الثوره..ماكملتش..! استنى..ماتتعصبش..! مارضتش اقولك.. م قامتش..!_* ثوره ايه دى الى يسلم.. فيها الحاكم.. السلطه ببساطه.. ويمشى..! وكأنه ماعملش حاجه.. وكأن.. انا أخويا مامتشى..!_* عمال بتزعق و تقول.. هاتوا حقى م الفلول..! نفسى افطر..غير..الفول..! ونفسى ل حلمى.. أرجع أطول..! نفسك..نفسك.. مافهمتش منك.. للثوره.. معنى.. غير الزيطا..! ان كان فهمى على قدى.. فهمى.. ماتسيبنيش اخبط فى الحيطه..! وقبل ما تشرح.. او تتكلم.. خلى الصوره بتاعتك توضح..! اظهر وشك..خليه يبان.. ايوه يا سيدى.. يعنى بعنى..انك.. تنزل.." الميدان "..!

وسمعنا بقى "الكلمه".. حروف..! حرف..حرف.. قول للظالم.. انا مش عايزك.." أرحل " بطل خوف..!_* ابسطهالك.. فاكر يومك كان شكله ايه.. تصحى الصبح تغسل وشك بالميه.. ان كان فيه..! وبعدين تفطر..بالعيش حاف.. ان كان فيه..! وتلم عزالك.. "ورقك شهداتك " تشوف بيه شغل.. علشان تقدر..تفطر تانى..! ولا تلاقيه..! وماتفطرش..!_* ماتفكرش..وسيب الشيشه دى بقى من ايدك.. مابهزرش..! ركز حبه..الله لا يسيئك..! أيوه انت.. يا مصرى يا الى العيش كفرك..!

ايوه انت يالى الهم علطول.. مكدرك..! أيوه انت يا الى مصوا دمه.. و الى أكلوا أكله.. كله..! ومافضلوش ولا حته منه..! أيوه انت يا الى كتموا صوته.. والى كتير..أتمنوا موته_* أيوه انت يالى نطقوا كلام كتير على لسانك.. ولا كلمه منهم.. كلمتك..! ايوه انت يالى الثوره فكرتك.. وسرقوها..! ايوه انت يالى ربطوا حريتك.. بحبل كبير حوالين كرسى.. وشنقوها..! كلمه أخيره هاقولهالك..واعمل بعدها ما بدالك..! طبيعى البرد.. يموت م الدفا..! وطبيعى.. الدفا.. يموت ف الشتا..! لكن الى انا مستغربله و مش فاهمه.. ازاى عاش.. "البياع".."فيها"..! ومات "فيها"..الى "اشترى"..! معلومه اخيره.. عارفك عارفها..بس ناسيها..! عارف الراجل اياه..! ومراته.. و اولاده الاتنين اياهم..! الى زمان.. مسك العدل ويا النور.. ومنعهم.. ينطوا السور..! ودفنهم تحت بحور..الضلمه..! وباع الباقى منهم.. ليه..ببلاش..قبل الثوره..! - بكل.. بســاطه.. سلم.. الســـلـــطـــه..! ولساه عــــــــــــــــــايش..!_*لساه عايش..!_*