د/ صفوت روبيل بسطا
 
بدمع القلب قبل دمع العين أبكيك ياحبيبي وحبيب الملايين , أقسي خبر وقع عليً اليوم , أقسي وأصعب لحظة في حياتي , لم أحس بهذه الفاجعة وقساوة الخبر يوم ما فقدت أمي الغالية منذ سبع سنوات وفي مثل هذه الأيام , في شهر مارس , وفي الصيام الأربعيني المقدس , وبعد يومين من ذكري إنتقال إمي الغالية , وبعد إسبوع من نياحة قديسنا وشفيعنا في السماء قداسة البابا كيرلس السادس ، وها اليوم 17 مارس 2012 يرحل عن عالمنا حبيبي وحبيب المسيح وحبيب شعبه وحبيب الكنيسة وحبيب الملايين قداسة البابا الغالي البابا شنودة الثالث
اليوم الساعة السابعة وأنا أتأهب لسماع نشرة الأخبار اليونانية , إتصلت بي إبنتي الصغيرة وفي صوتها قلق شديد ..يابابا في حاجة مكتوبة علي قناة "سي تي في " بتقول إنتقل للسماء البابا شنودة الثالث، يعني إيه يابابا !؟ يعني إيه !؟؟ ,,,,أنا حسيت إن الدنيا دارت بي ووقع من يدي التليفون , أدرت بسرعة علي سي تي في , لم أصدق عيني , لم أصدق المكتوب , , وقعت علي الكرسي وإنهرت وصرخت بأعلي صوتي ...مش ممكن ، لأأأأأأأأأ , ليه ياحبيبي , لأ يابابا ,, إنهمرت دموع قلبي قبل دموع عيني ,,,, بالدموع أبكي الأن وأنا أكتب هذه الكلمات , دخل يوناني وسألني مابك؟؟ مافيش ,,, بعدها بقليل دخل إثنين مصريين مسلمين , وشافوني علي هذه الحالة !!؟؟ لم أحس بهم وأنا في حالة يُرثي لها وعيناي تذرف الدموع كالنهر ومتعلقة بصورة البابا علي التلفزيون , سألني أحدهم ... هو ماله البابا شنودة؟؟ أنا ... وأمسح دموعي ,,البابا إتنيح ، قال ..هو تعبان أوي كدة يخليك تعمل في نفسك كدة !!! فصرخت بحرقة ...البابا مااااااااا... البابا راح السماء ....فقالوا الأثنين في نفس واحد ... ربنا يرحمه !! وشد حيلك ، ومتعملش في نفسك كدة!!؟؟؟؟؟
ماتعملش في نفسك كدة !!!؟؟؟ إزاي ,,,كًيف,,, ورحل عن عالمنا البابا شنودة !!! وما أدراكم مًن هو" البابا شنودة" ,,,حبيبنا وراعينا ومصدر أماننا , ورئيسنا ومصدر سلامنا وبهجتنا وأمانا  علي الأرض بعد ربنا وإلهنا الصالح يسوع المسيح ، البابا المعظم الأنبا شنودة الثالث ، بابا الأسكندرية وبطريرك الكرازة المرقيسة ، وخليفة القديس مارمرقس كاروز الديار المصرية   
أبكوا يا بنات ، إحزنوا يا رجال ,دُقي يا أجراس ، أعلنوا الحداد ، إبكوا يا مصريين ،  إبكي يااااااااااااا مصر
حبيبك وحبيبنا رحل عنا ،
مع السلامة ، مع السلامة يا بابا شنودة
عزائنا الوحيد أنك ذهبت عند حبيبك الأعظم ...المسيح
 
وصلني حالا من الفيس هذه الكلمات المعبرة
دموع عيونا قليلة عليك
وحزن العمر كله لا يكفيك
هتوحشنا ابتسامتك
وحنيتك وطيبتك
الوداع يا معلم الاجيال
... ... فراقك صعب وفوق الاحتمال
قلوبنا بتبكى قبل عيونا
والاحزان من فراقك سكنت بيوتنا
خلاص سبتنا وهتًعيد فالسما؟؟
طيب ازاى هنعيد احنا من غيرك هنا؟
الوداع يا اطيب اب
يا اوفا واحن قلب
عزانا الوحيد انك فالسما شفيع لينا
لأنك اكيد شايفنا وحاسس بينا
لكن من كل قلوبنا احنا حزانا على فراقك
ومافيش اى انسان يقدر يعوضنا عن غيابك
هتوحشنا...هتوحشنا
يا راعينا وابونا وحبيبنا

النهارده 17/3/2012
17 تعنى البابا شنودة البطريرك ال17
3 تعنى البابا شنودة الثالث
12 انه واحد من تلاميذ المسيح 

البابا شنوده بيعزي ولاده وبيقولهم
انا عارف غلاوتي في قلوبكم .. لكن مش عايزكم تزعلوا .. انا دلوقتي مرتاح في حضن رب المجد .. انا معاكم وهفضل جنبكم .. ربنا بيطمنكم على الكنيسه وبيقولكم متخافوش .. انا سافرت بس روحي مش هتفارقكم .. هاتقولولي مبروك السما ؟
 

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :