بقلم: بيشوي مكرم
كلاب عمالة تاكل وتنهش... في اللحم وفي العرض مش فارقة
وكأننا مش من لحم ودم... ولا حيوانات يربوها بعلقة
يدهسونا يقطعونا يكبلونا... والحجة البلد في وقت زنقة
واحنا ساكتين مسالمين طيبين... واقفين معتصمين من كتر الخنقة
ومين يحس بينا ولا ليه؟!... كله نايم في العسل والسكينة سارقة
يقولوا بكرة الحال يصفا... دي تلاقيها هوجة ولا حالة طارئة
مش حاسين باللي فينا... وبالنار اللي في صدورنا حارقة
الكل علينا يتطاول... وتحل عليه الشجاعة والجرأة
بحجة البلد والنظام... وعشان العجلة تدور

العجلة اللي طول عمرها... متأشطة في الضلمة ماشفتش نور
وإزاي الدنيا تمشي وتتظبط... من غير إحنا ما نثور
وزي ما العجلة اتركبت... فمن المنطق إن إحنا اللي علينا الدور
مش كفاية 30 سنة بهدلة... وذل من أبو النسور؟؟
ولا الشعب ده اتكتب عليه... يعيش طول عمره كده في آخر الطابور
يعيش مرمطون لصاحب الكرسي... اللي كله خسة وجبان بس عايش الدور
عجبي على دي دنيا وعلى... شعب كان كل حلمه يبات مستور

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :