علشان يتم منع الموسيقى بكل أنواعها ... من أول الموسيقى الكلاسيكية ... و أغانى أم كلثوم و فيروز و عبد الحليم .... و بعدها أغانى محمد منير و عمرو دياب ... لحد أغانى حمزة نمرة ...
علشان لما نعمل مسابقة للأطفال لحفظ القرآن الكريم... نعمل زى حركة الشباب الإسلامية في الصومال... و نديهم جوائز ... بنادق كلاشينكوف و قنابل يدوية .....
علشان نقفل المتحف المصرى .... و نكسر التماثيل فى المتاحف الفرعونية و فى الميادين .. زى ما حصل فى أفغانستان ... أو نغطى التماثيل بالشمع مؤقتا... لأنها أصنام ... و الناس ممكن تعبدها !! ...
علشان يتم تحريم الطاولة و الكوتشينة ... و أى قهوة أو كافتيريا تسمح بهذة المحرمات يتم غلقها و معاقبة صاحبها !!
علشان نمنع أى سفن فيها محرمات تعدى من قناة السويس ... قناة السويس اللى بتمر منها سفن العالم كلة .... و هنفرض شروطنا على العالم كلة !! ...
علشان نعيد النظر فى البنوك و البورصة و الفنادق و المنتجعات السياحية .... و السائح اللى مش عجبة ميجيش عندنا ... و المستثمر اللى مش عجبة يروح يستثمر فى تركيا أو ماليزيا ..
علشان نفصل بين الرجال و النساء فى المواصلات .. و المدارس و الجامعات ... و المصالح الحومية ... و متعرفش تمشى مع خطيبتك فى الشارع ... و اللى يسوى و اللى ميسواش يوقفك فى الشارع و يسألك اللى معاك دى مراتك و لا لا ...
علشان الست تقعد فى البيت .... و لو عايزة تشتغل ... تشتغل فى البيت ... و جوزها يتجوز عليها مرة و أتنين و تلاتة ... و محدش هيسألة بيعدل بينهم و لا لا ...
علشان نلغى قسم الرسم و قسم النحت من كلية الفنون الجميلة .. و نلغى قسم الغناء و قسم الموسيقى من المعاهد الفنية ... و نمنع نشر كتب الشعر و الرواية ... من الآخر نلغى الفنون كلها ...
علشان أى حد بيكره السينما و المسلسلات السخيفة .. يفرح و ينبسط ... من هنا و رايح .. مفيش لا أفلام نظيفة و لا غير نظيفة ...
علشان يتم قتل و اعتقال من يشاهد مباريات كرة القدم كما فعل الحزب الإسلامى فى الصومال .. لأن الكورة حرام ... و الأهلى حرام ... و الزمالك حرام ... و الفيفا قلة أدب ...
علشان يتم جلد السيدة التى ترتدى بنطلون كما كان يحدث تحت حكم طالبان .... و يحدث الآن فى السودان ....
علشان شعبنا يتحول لشعب منافق ... فى النور هو شعب تقى بتاع ربنا .. و فى الضلمة يعمل كل الذنوب اللى تهز عرش الرحمن.. لان الممنوع مرغوب ...
علشان أى حد يعترض أو يتناقش مع الحكومة ... تفترى عليه بأى تهمة .. و تطبق علية الحد .. و راجل ابن راجل اللى يفتح بقة ساعتها .... يورينا نفسه .. حتى لو كان شيخ أو عالم جليل ..
علشان بعد كل دة يتم إلغاء الانتخابات لأنها حرام ... و إلغاء الديمقراطية لأنها كفر ... و حل جميع الأحزاب .. لأنة لا يجوز معارضة الحكومة الإسلامية ....
علشان لما الناس تطلع من هدومها بسبب العيشة دى ... و تعبر عن نفسها على الفيسبوك و تويتر و يوتيوب ... و تصور المهازل دى بكاميرات الموبايل ... و يعملوا صداع للحكومة ... يتم إلغاء كل الأختراعات دى ... و نعزل نفسنا عن العالم ...
علشان يتم تهجير و إبادة غير المسلمين... مش مهم ... و بعدها تهجير و إبادة أى مسلم يؤمن بأى تفسير غير تفسير ابن تيمية ... مش مهم برضة ... و بعدها تهجير و إبادة أى مسلم يؤمن بتفسير لابن تيمية غير تفسير الحكومة الإسلامية لابن تيمية !! .... كما حدث فى أفغانستان و الصومال ...
علشان الجماعات الإسلامية تكفر بعضها ... و تحارب بعضها بالسلاح و يهدموا المساجد على رؤوس المصلين فيها ... كما يحدث فى الصومال و العراق و غزة ...
علشان مصر تتقسم لدويلات صغيرة و إمارات إسلامية ... زى ما حصل فى السودان و هيحصل فى العراق .... و النوبة تنفصل عن مصر ... و إسرائيل تحتل سيناء تانى ..
علشان الناس تكره الدين .. لما الصلاه تتحول من فرض علينا من ربنا ... إلى فرض من الحكومة أنك تنزل تصلى و إلا هتضرب بالعصا والجنازير ..
علشان العالم كلة يكره الأسلام و المسلمين بسببنا ... و تهتز صورة خير امة اخرجت للناس... و حسبى الله ونعم الوكيل ...
علشان كل دة !! ... هنتخب حزب النور ... و حزب الحرية و العدالة

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :