بقلم: وجيه راغب
يا مصر يا بلدي عليه العوض فيكي
ياللي كنتي شمعة منورة، واتبدد الظلام بيكي
ياللي كنتي منارة بتشع ضي للي حواليكـي
ياللي كنتي زهرة مفتحة والأمل مالي عينيكي
ياللي كانوا ولادك زي النجوم منورين لياليكي
 

 

ياللي كان شعبك برجولته وشهامته بيحميكـي
ياللي كان العقل زينتك، والحكمة ماسكة في إيديكي
ياللي علمتي أهل الأرض معاني الإنسانية، والتاريخ يشهد ليكي
إيه اللي حصل يا بلدي؟ ومين اللي قتل معانيكي؟
مين شوَّه صورة "مصر" الصبية، وخلاها عجوزة محنيــــة؟
صورتك يا بلدي بقت مخيفة، والصحة ما عادت عفيــــة
 

 

وشوارعك مليانة زبالة، وناس في الكورة ملهيــة
أمية، وجهل، وتعصب، واتمليتي جرايم من البلطجية
تاريخك إتشوه، وخيرك إنسرق من الأكابر الحرامية
يارب يا بلدي تعودي زي ماكنتي صبية حلوة قويـــــة
ويرجع عهدك الجميل، ونرجع نقول بكل إخلاص في النية
لو لم أكن مصريًا لوددت أن أكون مصريـًا

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :