بقلم: أرنست أرجانوس جبران
 مش عارف ليه الدم يفـــور    لما اتذكر شـهدانا الأبـــرار  
 اللى ماتوا ببندق وساطور    علـى غفلة بــدون إنــــــذار
 فى ماضينا سال الدم بحور    وفى حاضرنا يسيل الدم انهار
 مش عارف دى أيام نسطور  ولا حكاية جحا مع المســــمار
 كله كلام زور فــــى زور     رافعين كلام الكذب شـــــــعار
 ليه عاوزين يربوا نســـور     عشان ما ياكلوا لحم كنـــــــنار
 بغدر وخيانة حفروا قـبـور     وبسلاحهم  خراب ودمـــــــــار
قالوا الجنة فيها نهر وحور    يا عالم اتنوروا .. دا العلم فنار
 خسارة يا مصر .. عاوزينا نثور .. وكمان عاوزينا ناخـــذ بالتار
عشان تولع .. مش كفاية كسور  فين العدل اللى عنده عقل حمار
 نهيج و نثور زى التور  وهُمّ يفترسوا .. زى الأسد فى عينه شرار
ولا .. عاوزينا نلف وندور   عشان ما يلعبوا لعبة  القط والفار
 مش عارفين إيمانا شق بحور وصليبنا قوى بكل افتخار
دا المسيح الفخارى الأعظم  بنفسه صنعنا من خزف فخار
 شوفوا عمل موسى ، وفرعون فى فجور
                    

ونبوخذ نصر والفتية فى أتون النار
وزى ما كان داود بيغنى فى المزمور
بصوت التهليل مع الأوتار
دا كان قبل دهور ودهور    وحتى الآن إيمانا فى انتصار
بدليل العدرا أم النور        ظهرت وبتظهر بهالات وانوار
 حمام أبيض بيطير          وشواهد واضحة فى عز النهار
يا ريتكم ترجعوا لدين أجدادكم  .. وترتلوا مع داود بالمزمار
دا المسيح علمنا نحب اعداءنا  ونبارك الأشرار
يا اخوانا آمنوا بالمنظور   وكلام الغريب والجار
بسرعة قبل فوات الأوان   استعدوا .. المسيح فى انتظار
يا اخوانا اعملوا للمحبة بذور  وبأمانة ابتدوا المشوار
خلاص حنمشى سوا فى النور ونستعد ليوم فتح الأسفار
ونبقى سواقى للحب تدور   تروى وتنبت المحبة أشجار
مش بس أشجار وبذور   كمان حنجنى من كل فضيلة ثمار 

ernestgobran@yahoo.com

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :