ستظهر الصفحة بشكل مختلف لآنك تستخدم نسخة قديمة من متصفح
أنترنت أكسبلورر، استخدم
التحكم فى الخط و الألوان
الكاتب
|
|
جميع مقالات الكاتب
راسل الكاتب
أحدث مقالات الكاتب:
طباعة الصفحة
فهرس مساحة رأي 
جديد الموقع
الأكثر قراءة
- شهود عيان من كنيسة القديسين: بعض الضباط كانوا يصفون أشلاء الشهداء بأنها ليست إلا لـ"كلاب"
- إحتكاكات بين مسلمين ومسيحيين بجوار كنيسة الأسكندرية الأول بالروح والدم نفديك يا إسلام والثاني يطالب بالقصاص لدم الضحايا
- مصدر أمني: العبوة التي انفجرت كانت محمولة لشخص انتحاري، و"قليني": لا يجب التصريح بذلك قبل إجراء تحقيقات شاملة
- اعتذار شخصى منى لكل ضحايا الخطاب الدينى الإرهابى ... لكل ضحايا التعصب!
- مصدر كنسي يؤكد أن هناك فكرة لإلغاء احتفالات الميلاد
رباعيات بشاي
السبت ١ يناير ٢٠١١ -
٠٠:
١٢
ص +02:00 EET
| حجم الخط : |
|
|
 |
|
بقلم : توماس بشاي
أسجد يا انسان للي خلقك من عدم
أسجد يا انسان للي خلقك من عدم
من غيره كنت مفيش . كدخان أنعدم
جابك من غير كلام و بالـــــكلام خدك
بس الغرابه انه برضو بخلقتك انسجم
يا دنيا فيكي الموت بين تلات حروف دايخ
عيال و شباب و اخرهم راجل شايخ
يا تعيشها تضحك و تموت مبسوط
يا تعيشها كشر و تموت راجل بايخ
ادي الفقير شبشبه مقطوع و متخيــط
الفقر حفره واقع فيها بس مبسوط و بيظيــط
و ادي الغني سايبها علي بابا وعلي مامـا
لابس خمس شباشب و مش عاجبه بيعيـــط
يا وطني زعــلان عليك . زعلان علي حزنك
انا قصدي الورقه ليك .مش قصـدي علي حزبك
انا كاتب فيها وطني . مكتبتش وطــنهم
امانه عليك يا وطني لتغير لنا اســمك
يا حكومه يا حكومه عوضونا عن الخساره
يا اما تيجوا يا حكومه تحرقونا حاره حــاره
رد الكبير و العدل بينقط منه
حرق البيوت يا جماعه اشيك من المحـاره
زاحتني الحيطه و قالتلي .. متمشيش جنبي
انت اللي خايف و انت حر... الذنب مش ذنبي
طيب لو اتهديت خلاص هاتموت من الخــــوف
يا عمـــــــــي روح ماتخفشي من المتـــخبي
الصف كله قدام و هما بس اللــي ورا
و الاطرش مش سامعهم و هما لسانهم اتهري
لو عايز تحكم فمصرك و انت بتتولد تعمل حسابك
و لا تنزل مسيحي ولا تنزل مره
يا حبيبتي لو بينا جبل ,,,,,, مين قالك هايتهد
و لو انتي قمر,,,,, يا قمر مفيش سلم هايتمد
و السما مش تتقلب عشان نتمشي عالسحاب
خفي عباطه في الكلام ,,,,,, و اتكلمي جد
غراب الهجر قال للحمام ,,,,,,, محسود
بيفتحولك العشش , و ف وشي انا مسدود
رد الحمام . انا كدا غلبان و طيب قوي
و لاعمري كلت فحد و لا عمري كلـــت الدود
دور عليا لو حتي ابره ف قشك الممنوع
انده عليها ,, بس انده بصوت مسموع
ابره ممكن بشكه منها تموتك و ممكن
بخيطه منك تكمل نصك المقطوع
من كتر طيبتي لما احب ديما ابـوح
و اعيش و احلم و اموت جوايا مدبــوح
و احكي ل ده و ل ده و لسه متعرفنيش
يا خوفي لما تقلب جد . اكون مفضـوح
حبينا فيكي كل الليالي و جري فينا اللي جري
في السما كنتي ,, احلي صوره مصـوره
اللبس كان و لا الجمال , اسكت خــلاص
كنا فاكرينك قمر طلعتي غيمه مـدوره
الكتف متعري عل الحيطه مســنود
و حزامها منها متبري عل العضمتين مشـدود
و الكعب دور ارضي شايل فقيه خيبـــه
ياللي انتي ماشيه فالطريق ده . الطريق مسدود
كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها
تابعونا على صفحتنا علي الفيسبوك
رابط دائم :
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع تقييم الموضوع :
