الراسل: أركانا
 أنا قبطي، وخيبتي ما وردتش على حد، أنا قبطي، من طبيتي دايمـًا بدور الخد، أنا قبطي، من سبطي شهدا مالهمش عد، أنا قبطي، وعجيبتي نقل جبل وهد سد، أنا قبطي، وزكيبتي فيها حاجات ع القد، أنا قبطي، وحبيبتي داقة صليب ع اليد!!

 أنا قبطي، وضريبتي بدفعها بعرق وكد، أنا قبطي، وهيبتي ضايعة في وقت الجد، أنا قبطي، وشيبتي ما بيصنهاش أي حد، أنا قبطي، وزريبتي خدوها بوضع اليد، أنا قبطي، وكتيبتي، مش قادرة على الرد، أنا قبطي، وقريبتي دايخة بين جذب وشد!!

 أنا قبطي، ومصبيتي عاوزين يقيموا عليَّ الحد، أنا قبطي، ومن ريبتي بشك في أي حد، أنا قبطي، عُمر عيبتي ما طلعت في حق حد، أنا قبطي، وتكعيبتي فَتَحاتها كلها سد، أنا قبطي، وحقيبتي، جاهزة على طول في اليد، أنا قبطي، وخطيبتي ساكنة في حارة سد!!

 أنا قبطي، ومن خيبتي مش عارف أأجِّز الحد، أنا قبطي، وخيبتي ما وردتش على حد!!

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :