بقلم : صفوت روبيل بسطا
  يا بابا شنودة يافخر كنيستنا دي محبتك ساكنة في قلوبنا
سامعين صوتك وصورتك في عيونا تملانا راحة وعزاء لنفوسنا
دايما تعلمنا وللطريق ترشدنا حكيم عصرك وبركة لبلادنا
بالمحبة والهدوء تحل مشاكلنا حتي بالشعر دايما بتسعدنا
يا ما كتبت وكان ترنيمنا كل يوم اربع معاك
موعدنا نسمع عظاتك نحفظها في قلوبنا نسير بيها تنور طريقنا
راحة وامان ومحبة يا حبيبنا حتي واحنا بعيد تهون علينا غربتنا
يجينا صوتك ينعش ارواحنا عايش معانا
ونجد جواب لسؤالنا ترفع صلاتك دايما لالهنا يرحمنا ويعزينا ويغفر ذنوبنا
من اجل شعبك تصلي لمسيحنا يسمع صلاتك يقوي ايمانا

قاسيت وعانيت كتير لاجل ديننا ضغطوا عليك لتغيير عقديتنا
وقفت صامد تمسكت بانجيلنا
شتموك وسبوك دا عار يابلدنا
قالوا وقلنا ومن غير ما نتاكد طلعنا ما كنش العشم ياولاد حتتنا
شنودة حاف ياه ....
ده سيد اسيادنا دا انت صمام امان لمصر بلدنا
يا بابا العرب يا فخر وطننا
اتمنع القدس عشان اخوتنا وفي اخرتها فيك اتشتمنا
يا عاشق مصر سكنتها قلوبنا
واهل مصر سبوك في ديننا ولا يهمك

كلنا فداك ياسيدنا دا المسيح اتشتم واتهان وهو مخلصنا
وشال صليب العار رمز نصرتنا
وجاي تاني يرجع لينا حقوقنا
وقال طوبي لينا من اللي شتمنا
فين الظالم اللي ظلمنا راح واتنسي وراحت اتعابنا
ومهما طال الظلم له يوم يا اخوانا دا وعد ربنا لينا واسالوا اجيالنا
لكن حبيبنا اهه قدام عيونا كشجرة مغروسة في ديار الهنا
دايما منصور علي كل اعدائنا
يزيدك ربي نعمة وسلام يا حبيبنا
وتعيش لينا وترفع رايتنا
يا بابا شنودة يا فخر كنيستنا

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :