بقلم: ايهاب شاكر
نفسنا اسم يسوع يعلى بين شوارعنا وحوارينا
على قلبنا أكتر يغلى يتمجد اسمه فينا

نفسنا نشهد عنه بجد في كل شارع ولكل حد
وكفاية خوفنا اللي مالوش حد وسمناه حكمة لينا

نفسنا نبقى جيل أبطال نفضح الزيف والضلال
نعلن في كل الأحوال يسوع الهنا وفادينا

نفسنا صلبان ع الأكتاف تتشال ويلاقي السياف
إن محدش فينا خواف ويسوع بحبه مقوينا

نفسنا نخرج من الكهوف اللي بناها شيطان الخوف
والناس فينا يسوع تشوف يعلى مجده حوالينا

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :