محبة مترى
ألف يوم مرت عليا

وانت إيدك ماسكة ايدى

وقبلها كام ألف يوم

من يوم ميلادى لحد عيدى

وانت بتشاور اليا

إنى ليك
ازاى أكون انا الحقير

مرسوم فى فكرك م الازل

تدعونى إبنك
وازاى اكون أنا الصغير

محفوظ فى قلبك

وانا اللى من حفنة تراب

كده غالى عندك

ياللى وهبتنى نسمة حياة

ورسمتنى صورة

تنطق ملامحها

 بمحبة محفورة

فى كل ذرة م الخلايا

توقيع بالحب والرحمة

وكل نبضة فى الوريد

تشهد غنى النعمة

ألف يوم
والألف يوم عندك كيوم

وعمرى كله يارب يوم

يوم سعيد
تشهد دقايقه باحسانات

ومحبة ابدية
غمرتنى خلال كل الساعات

بين إيديك كل اللى جاى

وأشكرك على اللى فات

وأفتح كتاب الذكريات

أفرح وأغنى بترنيمات

ما أعظمك ما أجملك

 يا إله التعويضات

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :