بقلم : نشــأت عــدلي

بابا نويل يابابا نويل
كل سنة بتيجي ومعاك هدايا
وجوه كل هدية نبضة  قلب بيحبك
وجوه كل قلب لهفة لرؤياك
وناس بتتلهف علي هداياك
من فضلك يابابا نويل
هات معاك السنة دي
هدية جميلة وغاليه

هات لنا الأمان
اصله غايب من زمان
وبغيابه رحنا في خبر كان
هات معاك قلوب كلها محبة
تعيش وتتعايش في المحبة
هات معاك كل قلوبنا

اللى بتترجي نداك
قلوبنا اللى تاهت جوه صدورنا
ونامت بدون نبضة المحبة
تعال يابابا نويل ومعاك خير
خير كنا بنحلم بيه من زمان

تعال وهات مصر الخير والامان
مصر الطيبة بقلبها الحنان
بلاش تجيب حزن من تاني
ولا دموع من تاني
احسن قلوبنا لسه موجوعه
ودموعنا لسه علي الجفون

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :