بقلم : مجدى نبيل فؤاد

جمعه لم الزباله يعنى الاخوان المسلمين ليهم اكتر من 85 سنه من سنه 1928 حتى 2013 بيظهروا قدام الناس بصوره كويسه وعاملين بتوع ربنا وبيوعدوا الناس بالخير اللى بيحملوه لمصر يعنى مش عارفين يمثلوا ولو سنه او سنتين تانى ولكن سبحان الله العظيم كل ده بيحصل منهم عشان الناس تعرفهم على حقيقتهم عارفين لو الاخوان دول اذكياء شويه كانوا عملوا ايه عشان الناس ترجع تتعاطف معاهم كانوا رجعوا للتمثيل تانى يعنى يمكن الشعب ينسى غلطاتهم واستعانتهم بالاجانب لضرب جيش بلدهم وتحريضهم على الفتنه الطائفيه وكل البلاوى اللى حاصله فى البلد من تحت راسهم كانوا عملوا كل اسبوع حاجه تفرح المصريين مثلاً جمعه زياره الايتام فى دور الرعايه والسؤال عنهم وبحث مشاكلهم وبناء دور ايتام جديده ترعى اطفال الشوارع بدل ما يستخدموهم غلط فى المظاهرات بتاعتهم مستغلين حاجه الاطفال للطعام والكسوه وممكن يتبرعولهم بشويه فلوس هتقعدلهم عند ربنا بدل الفلوس اللى بيصرفوها على المولوتوف والاسلحه وتعليم الارهاب وبدل فلوس الاتوبيسات اللى بتجيب الناس من المراكز والقرى عشان يهتفولهم وممكن يشوفوا الاماكن العشوائيه

داخل القاهره والمحافظات المختلفه ويظهروا للناس انهم كويسين وكانوا مهتمين بيهم وانهم قال كانوا هيعيدوا تخطيط الاماكن دى وكده يعنى وممكن يزوروا عمال المصانع اللى كانوا بيعملوا اضرابات ويساعدوهم فى حل مشاكلهم مع اصحاب الاعمال وممكن يتحاوروا مع الشعب كله فى اكتر من مجال ولكن هنقول ايه ما الاخوان مسكوا الحكم يعنى كانوا عملوا ايه ومن قبل الحكم الاخوان بيسيطروا على اغلب النقابات المهنيه على مستوى الجمهوريه معملوش حاجه تتحسبلهم فى اى نقابه احنا من حقنا نقول كده للاخوان يعنى اشمعنى لما مسكوا الحكم طلب مرسى من الشعب انه ينظف البلد وخلى الناس كلها تنزل تنظف قدام بيوتهم وشغل المصريين كلهم عمال نظافه مع احترامنا طبعاً لعمال النظافه اللى بيسموهم فى اليابان ( (المهندسين الصحيين ) وبيدوهم اعلى رواتب من خمسه الاف حتى ثمانيه الاف دولار شهرياً مش زى المصرييين عامل النظافه شحات والاخوان عمالين دلوقتى يوسخوا فى الشوارع واحتلوا مبانى المدارس فى رابعه العدويه وحولوها لثكنات ليهم ومبيت للمتزوجين واللى بيتجوزوا فى الميدان من المتظاهرين مين هينظف كل ده مكانهم ولا الشعب هو اللى هيعمل جمعه لم الزباله ويشيل من وراهم وينظف مكانهم

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :