دكتور صفنات فعنييح
 
 
غنية عن التعريف .. صرح شامخ جبار .. يتواري شخص مثلي عندما
يتكلم عنها .. يسمونها الخليدة النفيسة .. غالية الثمن ..وان كان احد
لا يعرف كنيستنا القبطية لية غالية ولية نفيسة .. انا اقولة ....
الكنيسة دي مازالت موجودة .. حية .. تنبض .. بعد قرون من العذاب
منذ نشأتها .. واللي عايز يعرف اكثر .. يروح للتاريخ .. ويقولة
أحكي ياتاريخ  .. قول عن القيثارة التي لعب فوقها التاريخ بأثرة
ومازالت اوتارها تستعد لعزف اللحن الجميل .. اية حكاية اللحن
الجميل دة  .. !!

قبل ما نتكلم عن اللحن الجميل .. ودة غالباً هيكون في مقال آخر
دعونا نتكلم عن واقع الكنيسة القبطية .. الآن ..
كنيستنا القبطية مشيت مشوار طويل .. طويل جداً .. عبر القرون
اتسخت قدماها وتشقق من السير كعباها .. حتي طين مصر صعد
الي ركبتاها .. ودخل دخان الهلوثة الي رئتاها .. وتلوث جسمها
وتهرطق من القدم ثوبها  .. وراحت وهي الجميلة تستعطي علي
قارعة الطريق .. تسأل متسولي الافك .. وتطلب نصيبها المغتصب
يقتلوا ولادها .. وتقول ماعلش مانا طول عمري بروي بدمي
ارضك يامصر  .. كفاية والف مليون

كفاية .. الكل يقف هنا ويقول
للفوضي مع السلامة .. كفاية
عايز كنسيتنا تدخل تاخد حمام .. وتستعمل المية والصابون وتنزل
زبالة القرون .. يعني اية الكلام دة .. عايزين كنيسة قبطية ....
بتوب مجيد .. توب يجيب الماضي .. ويفصلة من جديد .. توب
يرفض اي حاجة  دخلت جواها .. من بابها الحديد ....
يعني اية نجيب الماضي ونفصلة من جديد ..؟؟؟

يرجع فضل الكنيسة القبطية في حفظ لغة مصر .. اللغة القبطية
ما علي الكنيسة فعلة اليوم  .. بدل بناء الكنائس .. فتح مدارس
لتعليم اللغة القبطية ..قراءة وكتابة وجعلها لغة التخاطب بدلا من
اللغة العربية .. اللغة العربية هي لغة المستعمر العربي  .. لغة
جاء ت مع المستعمرين ليست لغتنا .. لماذا نتكلمها .. انظروا الي
اليهود الذي تكرهونهم .. هذا الشعب تشتت في جميع انحاء العالم
ورجع مرة اخري .. يتكلم لغتة اللغة العبرية وسميت هكذا نسبة الي
جد ابراهيم السابع .. كان اسمة عابر لذلك اسمهم حتي اليوم العبرانيون
واللغة التي يتحدثون بها هي اللغة العبرية .. نحن ياأقباط لم نتشتت
الي بقاع الارض مثلهم .. احنا في بلدنا .. ولغتنا اغتصبها الغزاة

من حجرنا واحنا قاعدين .. وارجوا ان يفهم القارئ انا ماليش دعوة
دلوقت بمسيحي ومسلم  .. انا اتكلم عن حقيقة مرة .. حدثت لمصر
ولشعب مصر .. لا يمكن لمصر ان تري النور الا عندما نضع
كل ما هوا حق في مكانة الصحيح .. انا ماليش دعوة بكل اللي
بيجري في مصر .. دة عبث غير متناهي .. ما لوش نهاية .. مرسي
يزور البرازيل .. يروح ماطرح مايروح .. الاخوان قالوا .. الاخوان
عملوا كل دة في الهجايص .. يشيلوا حكومة فلان ويحطوا علان

هذا نبش في الخرائب ولعب عيال .. احنا لازم نصلح مصر ..
وتصليح حال مصر ليس في ايدي احفاد من تصعلق اجدادهم في
الماضي .. وانسلخوا من من الجلابية المصرية .. من فات قديمة
تاة .. وهوا دة التوهان اللي احنا شايفينة النهاردة .....
تصلييح مصر .. لازم يبقي عند ميكانيكي شاطر .. الميكانيكي
الشاطر هو اللي عارف العيب فين .. اذن اول خطوة في اصلاح
مصر هي ارجاع لغة مصر .. واللي مش فاهم ان دي خطوة

ضخمة لاصلاح مصر .. يدخل ابتدائي من جديد  مع ان سياسة
التعليم دلوقت تخلي اللي داخل المدرسة يعفور صغير يتخرج منها
يعفور كبير .. 

اذن اول شئ نرجع  لغتنا  .. ودة في يد الكنيسة المصرية
وليس في يد اي احد اخر يقطن ارض مصر ..وعايز كل واحد يفكر
بعمق الحكاية مش اني اتكلم قبطي وبس .. دي حكاية طويلة
ودة اولها .. ارجو ان الجميع يتذكر من فات قديمة تاة .......
والحكاية مش كدة وبس .. انا هاقول كمان .. وكمان حتي يخرج
الحق الي النصرى .......
مش كدة واللا اية