دكتور صفنات .. فعنييح

انة درب من دروب الخيال .. بل عدم الوعي .. ان نقول اننا مصريون
دعوني اهبط بمستوي الكلام شوية .. واقول هيا زريبة ولا شوال دقيق
هوا كل واحد يقوم الصبح .. ويرزع طبق فول .. ويخرخ برا بيتة
ينظر اشعة الشمس تحتضن محياة .. ام يتمطع .. ويقول انا مصري
وكلنا مصريين .. جبتوا منين الكلام دة .. انا عارف جبتوة منين
الناس في مصر من كتر الغلب .. وعدم البصيرة .. وقلة الحيلة
اصبح الكلام صناعتهم.. كل واحد عايش علي ارض مصر .. وكل
يوم يفتح بقؤة .. وينزل طن كلام .. اهو كلام وخلاص ..يتكلموا
في السياسة ويئلبوا علي الكورة ويترحموا عليها وبعدين علي البلد
واحوالها والنور اللي هينقطع .. ومورسي والاخوان وسيناء وقطر
واسرائيل وحماس وامريكا والنت ..  ياربي .. كلام في كلام ....
والحقيقة ان من يعيش فوق ارض مصر .. لازم يتكلم  .. ولو
متكلمش يموت .. لية بقي  .. علشان القهر في قلب الناس أصبح
طولة أضعاف .. اضعاف طول الانسان اللي عايش في مصر
واصبح محيط القهر .. اكبر من كروش الناس اللي عايشة في مصر
انة القهر .. اللي الناس نايمة وقايمة بية .. بالاضافة للاحساس
الدفين في قلوب الناس باليأس والغبن لانهم ما زالوا عايشيين
اسطورة .. ما فيش فايدة .. هكذا يختم جميع المتكلمين كلامهم
اصلة ما فيش فايدة .. الناس يأست وملت طول الاحداث وعدم
الإصلاح .. بل يرون باعينهم ان مصر تنهار امام اعينهم في
عهد ملوك الضلال ولا يستطيعون انقاذها .. لانهم جبناء .....
نرجع مرجوعنا .. ونسأل سؤلنا هل كلنا مصريين ..؟؟
احنا مش مصريين .. احنا مجموعة من الناس المتباينة ويحملون
الجِيين المصري .. احنا مجموعة من الناس يتكلمون لغة المحتل
العربي ولا نتكلم لغة المصريين .. ولغة مصر هي اللغة القبطية
وليست العامية التي نتكلم بها اليوم .. والعامية التي يتشدق بها
المحترمين اللي بيقولوا كلنا مصريين  .. جاءت نتيجة للغزو العربي
الذي اجبر المصريين بالقوة الجبرية ان يتكلمون العربية  فنتجت اللغة
العامية التي ٤/٣ مفرداتها .. هي اللغة المصرية .. اذن من لايتكلم
لغة مصر .. يبقي مش مصري .. وانا اول الجميع ..
عندما يذهب الإخوة المسلمين الي الكنائس كي يحضرون افراح العرس
ويباركوا للعروسين .. بعد انتهاء الفرح .. وبمجرد خروجهم من الكنائس
يتهامسون فيما بينهم ويقولوا هي اية اللغة الغريبة دي اللي بيقولوها
جوا الكنائس .. ولا يعلمون ان اللغة دي هي لغة المصريين ..
ويتركون الكنائس ..وفي داخلهم احساس ان المسيحيين دول اجانب
اغراب عن مصر .. ويلقبونهم بالخواجات .. المسلم يقول للمسيحي
ياخواجا علشان سمعة داخل الكنيسة يصلي بلغة اجدادة .. لغة مصر
يبقي احنا مصريين ازاي .. منين يعني .. هوا صابون .. ولا طبق
مهلبية .. ولا دي غياهب العقل العربية .. انا ماعرفش الكلام دة
احنا مصريين .. علي عيني .. نتكلم لغة مصر .. الهرتقة دي
انا ماعرفاش .. تعالوا نروح لجزء آخر ...
الفلاحين في مصر يزرعون اراضيهم مسلمين ومسيحيين طبقا
لشهور السنة القبطية .. توت .. بابة .. هاتور .. اول الشهور
حتي يومنا هذا .. ولكن في حياتهم اليوية يعيشون بالثقافة العربية
يشتمون .. يحلفون .. يكذبون .. يقتلون .. يغتصبون النساء في
الشوارع يرفعون الصابع الاوسط لبعضهما البعض .. ويقولوا ..
عليا الطلاق باللاتة .. وكل دة ليس في الثقافة المصرية ..
كلنا مصريين .. ازاي يعني .. جبنا الكلام دة منين .. في الفلاحين
مازالوا يعملوا كحك العيد مثل اجدادهم الاوائل فالكحك مستدير في
وسطة فجوة مسديرة وينقشون الكحك بمنقاش يشبة اشعة الشمس
رمزا لعبادة المصريين للشمس في القديم  .. وبعدين يعيشون طقوس
حياتهم اليومية بالثقافة العربية ..يلبسون الحجاب والنقاب والعبايات
العربية .. ويقولوا حسبنا اللة ونعم الوكيل .....
مصريين مينيين .. ياعمنا .. مصريين ازاي يعني .. مصريين ازاي
ياخال .. قولي مين في مصر يعرف تاريخ مصر قولي مين في مصر
يعرف ويكد اننا مصريين .. داحنا بنروح محل عصير القصب
ونقولوا ناولني شوب مية .. ولا يدري احد اننا ننطق اللغة المصرية
بل والاف المفردات اليومية ينطقها الناس وفاكرينها .. لغة عربية
مصرين منيين ياواد اختي .. وماحدش عارف حاجة ولا الالف من كوز
الدرة عن المصريين .. واصبح كل اللي الناس مايعرفوش غير
مسيحي ومسلم والمسلم يقتل المسيحي وينهب امتعتة .. ويغتصب
عرضة ومالة .. مين قال اننا ان احنا كلنا مصريين ..
نحن نعيش داخل الشيزوفرنيا الشعبية  .. ومن شدة المرض ..
يتخترف الناس ويقولوا كلنا مصريين ..
والي لقاء آخر .. في مقال آخر اسمة كلنا مصريين برقم ٢