مينا مجدى
و هجيب سيرتك كل شوية
واحكي عليكي كتير
و هسيب صورتك جوه موبايلي
و اكتبلك اشعار
هدعيلك علطول من قلبي
دايمآ ليل و نهار
و هشوفك ف بنات الدنيا
ف وشوشهم و عنيهم
و الأيام الحلوة بتاعتك
عمري ما هبقي ناسيهم
و هصبر نفسي بكام ذكري
واستحمل ف غيابك عني
وعشان متحسيش بدموعي
هعمل مبسوط-عادي-بغني
وادعيلك ربنا يبعتلك
حد يحبك .. أحسن مني
و هحاول لو شفتك واقفة
مع غيري وشفتك بعنيا
ميبانش إن انا لسه بغير
وإن نستيني ف يوم انا هفضل
بفتكرك بالخير
