صفنات فعنييح

 للحزينة .. والمحرومة .. واللي عايزة خلف .
طالعتنا صحيفة الاقباط متحدون بالخبر التالي : -
{{{ كارثة: إسرائيل تعترف بمشروع الوطن البديل رسميًا }}}
كشفت مصدر مطلع باللجنة المركزية بحركة فتح عن أن حماس توصلت إلى اتفاق مع إسرائيل على إقامة دولة فلسطينية، على حدود مؤقتة تشمل غزة وشبة جزيرة سيناء بالإضافة إلى الإبقاء على الضفة الغربية على أن تكون الدولة المؤقتة خاضعة لسلطة حماس.
  وأكد المصدر أن المفاوضات للوصول إلى تلك النتيجة كانت تتم بدولة "قطر" وبرعاية أمريكية وهو ما جعل السلطة الإسرائيلية تقوم بمنح الفلسطينيين المقيمين في الضفة تصاريح زيارة لذويهم المقيمين في قطاع غزة ومكتوب في خانة الولادة "غزة وسيناء" بدلاً من أن كان يكتب بها "غزة فقط"
 وهو ما اعتبره المصدر اعتراف واضح وصريح من إسرائيل بان قطاع غزة وسيناء ارض واحدة بحدود واحدة. .. انتهي الخبر
وانا ليا كلمة .. وباقولها لمين .. لكل مصري ولكل فلسطيني ولكل
يهودي .. ولكل من يرعي خبر مثل هذا ......
مكانك انتا وهوا .. وهوا .. وهوا .. هيا زريبة مالهاش باب .. ولا
وكالة مالهاش صاحب .. هل حقيقي مصر  بقيادة الاخوان ....
اصبحت قالب جبنة مالوش صاحب وبيخرطوة انتا تاخد الحتة دي
وانتا خد الحتة دي .. وحماس تاخد الحتة .. وهيصة ..انتو فاكرينة
مولد ومالوش صاحب .. واللة معاكم حق .. لية بقي ؟؟
اصل مورسي والاخوان دول .. اغراب ..اغراب عن مصر .. دي
ناس معلقة يوفط علي صدرهم .. مكتوب عليها احنا مصريين ...
دول مش ابناء مصر .. دول عيال مزيفيين .. دول ولاد ابراهيم
من ام مصرية اسمها هاجر .. واحنا متبريين منهم .. مانعرفهمش
إحنا مين بقي ؟؟ .. احنا ولاد مصر .. ولاد خوفو ورمسيس واحمس
احنا احفاد سنوسرت وامنمحات والملك سيتي ومينا .. احنا ولاد
الفراعنة اللي علموكو تشوفوا النور اللي خلقة ربنا .. جايين النهاردة
تاخدوا مننا سينا وتعملوها وطن للفلسطينيين .. من انتم ؟ مين اللي
عينكم حكام لمنطقة الشرق الاوسط تعربدون فيها كما تشاؤون ....
هي الدنيا سابت .. ولا الكون خلاص .. مابقالوش رييس ......
شوف يامعلمي منك لة .. اذا كان هذا الكون هوا ابداع الخالق  ..
فمصر هيا ابداع المصريين .. احنا نقول .. احنا ما يتقلناش  ...
واللي مش عاجبة كلامي يجرب .. اللي هيدخل سينا .. لازم يدفن
فيها سيان كانت جنسيتة .. احنا لا بتوع امريكا قالت ولا اسرائيل
عايزة .. إحنا ما نعرفش الكلام دة .. احنا مصريين .. وسينا دي
هي رئة المصريين ما نعرفش نتنفس من غير مين .. من غير سينا
انا هكتفي بهذا واوجة الكلام لجيشنا .
شوف ياجيشنا ..اسمعني يا سيسي بيك
علي ما يبدو ان الهلوسة الخارجية .. والناس اللي قاعدة تخطط لنا
خدو خطوة بالراحة كدة  .. لقدام شوية .. معتمدين علي أنهم اشتروا
مورسي والاخوان .. والنهاردة جايين يمرروا تخطيطات واستراتيجيات
رسموها في احدي البارات .. البارات اللي الناس تقعد تشرب فيها
من نقيع البراطيش .. ويروحوا لستاتهم بالليل ويناموا ذي الخرفان
تمام  .. انا عايزك تؤكد لي ياسيسي بيك ان جيش مصر مش كدة
وإن كل عسكري مصري حاطط بنطلونة في وسطة .. وبينام بية
انتا ياسيسي لم يصبح لك خيار .. ولم يعد سكوتك لة مبرر ....
عايزين ياخدوا سينا .. انتا اية رايك ..؟؟ يانتا ابن مصر .. يانتا
تبع مورسي .. قلت اية يابطل ؟؟؟
المقال القادم انا هاحكي فية الحكاية .. حكاية اية .. !!
هيا حكاية حرب وتار بينا وبين الاستعمار .. فاكرين لما الشعب
اتغرب جوا في بلدة .. والمحتل الغادر ينعم فيها لوحدة .. والمشانق
للي رايح واللي جاي  .. ودم احرارنا اللي راحوا في دنشواي ....
اة فاكريين .. من هنا كانت الحكاية ..وابتدا الشعب البداية
كان كفاحنا .. لنار جراحنا يكتبة دم الضحايا ...
سمعت الاغنية دي ياسيسي بيك .. الاغنية دي لعبد الحليم حافظ
غناها لما مصر كان فيها رجالة .. وانا بسألك
هي مصر لسة فيها رجالة .. .  سؤال .