كتب - محرر الاقباط متحدون
قال الإعلامي إبراهيم عيسى:"جمال عبد الناصر طبقا لمذكرات زكريا محيي الدين قال:"لقد خذلني جيشي"، فقام جاي يرقي عبد الحكيم عامر على اعتبار إنه حبيبه وصديقه، والعلاقة بينهم علاقة أكبر من الأخوة وأكبر من الصداقة، اللي هي مش عارف إيه هي بقى، يعني الأكبر من الأخوة والأكبر من الصداقة، مش عارف تعريفها إيه عندكم.
مضيفا عبر قناته على يوتيوب:"ويصدر القرار، وبعدين عبد الحكيم يقعد معاه فيعيطوا مع بعض، آه بيعيطوا مع بعض، فيقوم راجع عبد الحكيم تاني، ويبقى أكثر شراسة في مواقعه ومناصبه.
لافتا:"وطبعا كل البشر اللي اتكلموا عن عبد الحكيم عامر قالوا إنه قد إيه كان شخصية جميلة وجدعة وكريمة، بس يعني لا يمكن أن يصلح قائد لجيش، ولا زعيم لقوات مسلحة، ولا حاجة من دي، ولا نائب رئيس جمهورية.
وواصل:" الكلام كله انتهى إلى إن تمسك عبد الناصر بعبد الحكيم عامر خلى عبد الناصر يمشي مع عبد الحكيم عامر، لأن عمليا 67 هو رحيل مشترك لعبد الناصر وعبد الحكيم عامر.
