احكي يا قلبي بسرعة وقول
كلمه سامعك مش مشغول
قوله أنا خاطئ وعارف ذنبي
عايز أتوب مش لاقي حلول
مرة يجيلك مرة أنا ببعد
بهرب منك رغم أنا بوعد
خايف ربي يضيع الموعد
يضيع العمر وأضيع على طول
أيوه أنا خاطئ وعشت حياتي
كل همومي في ملذاتي
مش مضمون الجاي والآتي
طول ما أنا عنك كده مشغول
أنت لوحدك ليك القدرة
تلمس قلبي وتزرع شجرة
للإيمان وتقودني بنصرة
وأبقى معاك دايمًا على طول
ممدوح الديري
