كتب - محرر الاقباط متحدون
وجه مقدم برنامج "كل الكلام"، المذاع على قناة "الشمس"، سؤالا إلى يوسف بطرس غالي، وزير المالية الأسبق، بشأن الحد الأدنى للأجور، الذي يبلغ حاليا 8 آلاف جنيه، مشيرا إلى تصريحات رئيس مجلس الوزراء بشأن رفعه إلى 15 ألف جنيه بحلول عام 2030، لافتا إلى أن هناك من يرى أن مبلغ الـ15 ألف جنيه لم يعد كافيا لتلبية الاحتياجات المعيشية في الوقت الحالي، فما رؤيتك لهذا الأمر؟.
وقال غالي:"أنا موقفي هو أننا كلما استطعنا زيادة ما هو متاح للطبقة الأقل حظا في المجتمع، ولأصحاب الدخول المحدودة، كان ذلك أفضل، لكننا بالطبع مرتبطون بقواعد اقتصادية.
وتابع:"أنا هحط حد أدنى للأجر، أيا كان اللي بيحدد فاعلية هذا الحد هو متوسط إنتاجية البني آدم في مصر، يعني متوسط الإنتاجية، متوسط الدخل اللي ممكن الفرد المتوسط المصري يولده في يوم.
لافتا:"أنا ما بتكلمش عن الكفاءات واللي عندهم دكتوراه، أنا بتكلم على متوسط عام، الرجل المتوسط في مصر ممكن يولد كام جنيه كإنتاجية، مش كفلوس بتجيله، لا كإنتاجية، ممكن ينتج خدمة أو سلعة بقد إيه في اليوم.
كما لفت:" دي اللي بيحدد فاعلية الحد الأدنى، أنا ممكن أحط بكرة الحد الأدنى عند 25 ألف جنيه، أي حد لما هيتعين في أول تعيين، هيقدر ينتج في الشهر 25 ألف جنيه عشان حد يعينه؟ ده السؤال.
وواصل:"هيروح لحاجة من اثنين، يا إما القطاع الخاص لن يلتزم به، وهتتعين بقى ناس بعقود مؤقتة، وحصل كده في إنجلترا من الأربع خمس سنين اللي فاتوا.
موضحا:"رفعوا الحد الأدنى، طلع الحد الأدنى بيفوق إنتاجية متوسط العامل في إنجلترا، عملوا إيه الشركات؟ خلقوا عقود اسمها عقود ذات التعاقد الصفري، يعني في عدد متغير من الساعات مطلوبة من الزبون، وبالتالي ما هواش عقد تشغيل، يعني مش عقد عمل، ده عقد إنك تشارك معايا وأحدد لك الساعات وإحنا ماشيين، عشان يتفادى إنه يحط له عقد عمل صريح، ويتفادى طبعا الحد الأدنى للأجور.
كما أوضح:" ليه؟ لأن إنتاجية العامل في إنجلترا كانت أقل من الحد الأدنى، ودلوقتي الحكومة خدت إجراءات بأنها منعت هذا النوع من العقود، وبتاخد إجراءات تانية عشان تمنع إن الشركات تتهرب منها،فاللي بيحدد فاعلية الحد الأدنى هو قد إيه متوسط الفرد المصري يقدر ينتجه في شهر، لو بينتج 10 آلاف، ارفعوه لـ10 آلاف، ارفعوه لـ12.
