كتب - محرر الاقباط متحدون
رد يوسف بطرس غالي، وزير المالية الأسبق، على سؤال بشأن رؤيته لفكرة رفع أسعار الفائدة في مصر، بعد نحو عامين ونصف من تثبيتها بشكل أو بآخر.
وقال خلال مداخلة هاتفية ببرنامج "كل الكلام" المُذاع على قناة "الشمس":" الهدف من الزيادة الأخيرة هو استباق الأحداث.
لافتا:"فالحرب في الخليج لم تنتهي بعد، ويبدو أنها لن تنتهي قريبا، فالرئيس الأمريكي دونالد ترامب صرح مرة بأنه سيضربهم، ومرة أخرى يقول بأنه سيفعل كذا وكذا، لذلك الأوضاع في الخليج لن تهدأ في المستقبل القريب.
وتابع:"وبالتالي هتظل أسعار البترول تتراوح بين 100، وفي بعض الناس بتقول لو مضيق هرمز ما اتفتحش على مارس اللي جاي، سعر البترول ممكن يطلع لـ130.
وواصل:"طبعا إحنا هنشيل الشيلة دي، ففي أسلوب إني أشيلها وأوجهها وأسيبها تخش في السيستم، هتخش عندنا في السيستم هتلاقيها سمعت بقى في كل الأسعار.
لافتا:"في أسلوب آخر إن أنا أحاول أفرمل الاقتصاد بطريقة علمية، اللي هي من خلال رفع سعر الفايدة، أستبق الأحداث، بحيث إنه أقدر فيما بعد أخفض سعر الفايدة أسرع.
وأضاف:" يعني لو سبقت، الوقاية أحسن من العلاج، الرفعة الأخيرة دي وقاية، وإن شاء الله لو الأحوال ما تدهورتش، وربنا يعني يفتحها علينا وعلى الجميع بقى وما تتدهورش، هتتشال بسرعة، ده إجراء وقائي مطلوب.
وتابع:" لو الأمور ساءت أكتر، هيستمر للأسف، ما عندناش أسلوب آخر لحماية الاقتصاد من التضخم، يعني تفحل التضخم.
