بقلم جورج حبيب
قال النسيم للورد
تعالي قابلني
قال الورد وعلي فين واخدني
قاله هنفوت علي الياسمين
علشان يرافقني
قال الورد وعلي فين رايحين
قال النسيم نصبَّح علي الحلويين
ونقول لهم صباحكم فل
وأماني متحققة للكل
قال الورد هفرق عليهم كلهم
من ورودي والياسمين
وكمان الفل
وقال النسيم أنا جاي برقتي
أمتعهم ويتنفسوا نسمتي
رد الورد وقال
أنا بحبهم ولهم ميال
عايز فرح وراحة بال
للحبايب ويكونوا في أحسن حال
ويصبَّحوا علي بعض
ويتبادلوا أحلي كلام
