كتب - محرر الاقباط متحدون
قال الإعلامي سيد علي:" أمس كنا نشعر بالقلق، كانت مصر كلها تشعر بالخضة، ونتساءل: ماذا يحدث في البورصة؟ وما قصة التخارج والأموال الساخنة؟، ولماذا يحدث ما يحدث للدولار؟، وكنا في الحقيقة، في حالة من الكرب.
مضيفا خلال تقديم برنامج"حضرة المواطن":" استضفنا أمس المهندس نجيب ساويرس، وقل فيه ما تشاء، وقد تحبونه أو لا تحبونه، إنما في الحقيقة أنه رجل مصري وطني، صعيدي غيور، ورجل مهني ولديه قدر كبير جدا من الفطرة.
موضحا:" خلال المداخلة قال الرجل: إن البورصة لا داعي للقلق عليها، وإن ما يحدث أمر طبيعي جدا جدا، وإن هذا وقت الشراء وليس وقت البيع، وقال كلاما جيدا جدا وقال: أنا لست قلقا.
لافتا:" التصريح ده عمل قلبان على السوشيال ميديا، البورصجية شيروه وقايلين كلام أنا أستحي أقوله، إنما مهمة الإعلام لما يبقى فيه إعلام واعي في مثل تلك الأزمات يقف جنب مؤسسات البلد.
لافتا:"وتصريح واحد للمهندس نجيب ساويرس أعاد جزء كبير من الثقة للبورصة وللناس البورصجية مجرد تصريح فتخيلوا لو كلنا بنقف جنب بلدنا في وقت الازمة وفي وقت الشدة، فالحمد لله النهاردة فيه تطور كبير جدا.
وأعاد البرنامج عرض تصريحات ساويرس التي قال فيها:"أنا قلبي ميت، وأنا بالعكس، أنا بشوف إن الأسعار دلوقتي في البورصة المصرية فرصة لزيادة حصتي في شركة أو في أخرى.
لافتا:"المشكلة إن أنا ما بحبش أشتري في الشركة بتاعتي عشان لازم الناس تفتكر حاجة ويقولوا: ده عارف حاجة إحنا مش عارفينها، فببعد عن شركتي.
وواصل:"لكن النهارده أسعار شركات كتيرة جدا، كبيرة وأسامي كبيرة جدا، مغرية إن الواحد يستثمر.
كما لفت:" وهتشوف، خلال يوم أو اتنين، هتلاقي البورصة طلعت تاني، بعد كام يوم، لأن الناس هتوصل لمستوى سعري يقولك: لا، ده كده فرصة إن أنا قبل ما الدنيا تروح أشتري، فأنا مش قلقان بتاتا على الإطلاق.
