كتب - محرر الاقباط متحدون
كشفت الفنانة صابرين تفاصيل خلعها الحجاب، موضحة أنها كانت تخبر المحيطين بها برغبتها في اتخاذ هذا القرار، كونها تشعر بالتناقض، وذلك خلال لقائها في بودكاست "قصتي"مع محمد قيس.
وأضافت صابرين:"كان بقالي سنتين بقول لهم أنا عايزة أفك الحجاب، وأنا حاسة إني دايسة على الإنسانة وعلى الفنانة، على الاتنين، وأنا ما بعرفش أدوس على حد، فما بالك نفسك.
وتابعت:"قعدت أقول إني بعمل أدوار عظيمة جدا، وباخد جوائز حلوة قوي، والناس بتحتفي بيا عن الأدوار، وفي الآخر السوشيال ميديا والناس كلها بتكتب: "باروكة راحت".
وواصلت:"حسيت إني لا، مش عايزة أبقى كدابة، يعني أنا بعمل الدور، استحالة أكون مع جوزي وقاعدة بحجاب، أنا كصابرين الفنانة مش مصدقة، فبقى في تناقض على طول، فقلت: يا ستي اعملي خطوة.
مشيرة:"لحد دلوقتي على فكرة على السوشيال ميديا لما بتنزل لي أي صورة، يقولوا: هي مش دي كانت محجبة؟ وهتروحي جهنم وبئس المصير، أحكام قوية جدًا، كأن معاهم الصكوك مين هيدخل الجنة ومين هيدخل النار.
مؤكدة أنها كانت تخبر المحيطين برغبتها في خلع الحجاب.
