ماجدة سيدهم
الحقيقة ماازعجنيش لما طلع أحد الدعاة في برنامج مع فنان معروف وهو محتد ووصف أن كل الأديان عدا معتقده بأنها زبالات ..عادي جدا .. ماهو ياما بيتقال أحط من كدا من كتير من علماء ودعاة أجلاء ..ف سيبك من الدعاة بعنترياتهم
لكن المصيبة اللي بجد في الفنان اللي بيقدم البرنامج من اللي بيطلق عليهم مثقف ونخبة وصفوة وقدوة تنويربة وحاجات كدا ومر عليه التطاول عادي جدا..لا استغرب ولا استوقفته المسبة ..فهل مثلا الفنان اتخض ولا دي موافقة ضمنية ..؟!
عرفتوا الكارثةالحقيقية لسقوط أعتى المجتمعات جاية منين ..من عقلية وضمير ونفسية السواد الأعظم اللي بتؤكد أن لا عندنا مثقفين ولامفكرين ولا نخب ولاتنويرين ولا فنانين (مدعين) إلا نفر قليل بيحاربوا وحدهم طواحين الهوا ..
دا الدنيا قامت لما مدحت العدل قال أن المجتمع سلفي ..طيب ينفع يكون سلفي وسرسجي كمان ..
الشارع للأسف بمختلف مستوياته ورموزه عبارة عن خرابة واحدة مطعونة بالخوف والشك والجهل والحقد والتشويش والكبرياء والكراهية اللي بتعذي الإرهاب وتنفذه ..ودا الخطر اللي من جوه واللي فعلا بيهدد عن قرب سلامة الحياة ..
