سهل الطريق للناس.. د.مجدى إسحق
فيه ناس بتصعب الدنيا قدام الناس .. ناس صعبان عليها تشوف حد مرتاح.. و فيه ناس اصعب، لو لقوا السكة قدامك سهلة ، يصعب عليهم ، مش يسيبوك في حالك ، لا ، يكحلوها فى وشك و كأن الدنيا ناقصاهم!!
و فيه ناس يا بخت الدنيا بيهم، تسهل الطريق أمام الكل : بكلامها و ضحكتها و تشجيعها و سندها.. ناس بتحلي مرار الدنيا، منين
ما تروح نسمة سلام و فرح و حب ..
لما تفرح الناس و تفتح قدامهم الأبواب، الدنيا كمان تفتح لك أبوابها و من أهون سبب..
