كتب - محرر الاقباط متحدون
قال الإعلامي والكاتب الصحفي إبراهيم عيسى:" سأعود وأقول، وأنا أحيانا أكرر لأؤكد وأؤكد فأكرر: الصمت ليس رضا، والسكوت ليس قبولا.
مضيفا عبر قناته الرسمية على "يوتيوب":"طبعا أتحدث عن صمت الناس وسكوت الناس عن معاناتهم الاقتصادية، وعن الضغوط الاقتصادية والسياسية المجتمعة على كاهل المواطن المصري.
وتابع:"طول الوقت إحنا بنتكلم على إن النظم السياسية في الشرق الأوسط، في دول العالم الثالث، بتقسم القصة كده: إنتوا ما تتكلموش في السياسة، وما فيش حاجة اسمها حريات.
وواصل:"حتى لو هنعمل شكل ديمقراطي، فهيبقى شكل، والشكل ده أحيانا يبقى شكل مضحك وهزلي، وأحيانا بيبقى شكل فيه بعض الجدية، وأحيانا يبقى شكل هامش ديمقراطي على طريقة فترة الرئيس مبارك.
واضاف:" المهم هنعمل شكل، هنعمل حاجة، هندبرها إزاي، هنعملها إزاي، دي بتختلف فيها الأمور، إنما في المحصلة إنتوا مالكوش أي دخل بالسياسة، ولا لكم قدرة على صناعة القرار في بلدكم، وأنا بتكلم على النظم عموما في العالم الثالث.
