كتب - محرر الاقباط متحدون
قال نيافة الأنبا مقار أسقف الشرقية والعاشر:"أحيانا تقل قدرة الإنسان على الاحتمال، فيكون محتاجا إلى معونة من السماء.
مضيفا خلال عظة قداس عيد الصليب:" في مرة كان المسيح بيتكلم عن أن المفروض الإنسان يغفر لأخيه، فبطرس اتكلم واتحمق وقال: يعني نقدر نسامح كام مرة في اليوم؟ سبع مرات؟.
وتابع:"كانت وجهة النظر الشخصية إن سبع مرات دي كتير، سبع مرات لنفس الأخ بيغلط فيا كل مرة وأنا أسامحه سبع مرات في اليوم، ده كتير، بعد رابع مرة مش هستحمل، بعد الخامسة هنفجر فيه.
لافتا:" لكن المسيح قال له: ولا إلى 70 مرة سبع مرات، إيه ده؟ 490 مرة في يوم واحد؟ لا، هو ما يقصدش 490، هو يقصد إلى ما لا نهاية، يقصد إن تحتمل الآخر إلى النهاية.
وواصل:"يبقى محتاجين معونة من ربنا، إن احنا نحتمل، قوله: يا رب اسندني، يا رب اديني إن أنا أحتمل، يا رب اقف معايا لأني مش قادر، الظروف أقوى مني، لكن أنت اللي تديني احتمال.
وتابع:"إن كان ينقصنا شيء للدخول للملكوت في هذا الزمان، ينقصنا الاحتمال، اللي مش قادر يستحمل يطلب من الله أن يعطي له احتمال، لكي نستطيع أن نحمل الصليب ونسير وراءه.
