كتب - محرر الاقباط متحدون
عرضت قناة "إكسترا نيوز"، تقريرا مصورا سلط الضوء على موهبة الطفل المعجزة مارتيروس مينا،الحاصل على المركز الأول عالميا في مسابقة صناعة روبوت بالصين.
وجاء فيه :"أنامل يافعة يحركها عقل ماهر لا تكف عن البناء والتشكيل أنه مارتيروس ذو العشر سنوات الذي يبرع في مجال الروبوتات وظهر اهتمامه به منذ عامه الثاني.
وقالت والدته:"كان صغير تقريبا سنتين ونص ثلاث سنين كان بيحب يفك ويركب الحاجات الصغيرة جدا، وكان متوقع يبلعها بس ما كانش بيعمل كده.
لافتة:"كان في بريكس مكعبات صغيرة أوي دي مخصوصة للولاد اللي بتحب تبتكر فجبناها له فقعدنا أنا وباباه نستني إمتى اللحظة اللي هيبلع فيها البريكس دي لكن ما حصلش.
موضحة:" قعد يعمل حاجات ويعدل حتى مش ماشي على الكتالوج، قررنا ناخد خطوات ونجيب له حاجات فيها موتورز ونشوف هو بيعمل إيه فلقيناه بيحب الفكرة دي.
كما أوضحت:"وهو ست سنين شفنا مكان بتاع الروبوتكس ابتدى بقى يخش وياخد كورسات ولقينا بصراحة في تطور كبير جدا كان أصغر واحد في الكورسات.
وقال مارتيروس :" بحب إن أنا لو جت لي فكرة، أحب أعملها سواء موجودة أو مش موجودة، فأنا ليا في الموضوع ده شوية من وأنا عندي سنتين.
موضحا:"ماما كانت بتجيب لي بريكس ليغو صغيرة، وأنا عندي خمس سنين، أربع سنين، بنيت روبوت بيتكلم بالليجو، وأنا ست سنين ابتديت أتعلم لغاية 10 سنين، دخلت مسابقات كتير، الحمد لله، كانت أغلبهم باخد فيهم المركز الأول.
وتابع:"سافرت ٣ بلاد: رومانيا وإستونيا والصين, رومانيا أخدت فيها موست كريتيف أوورد، كنت أصغر طفل موجود، وإستونيا أخدت المركز السادس على العالم، والصين خدت المركز 19.
