هانى رمسيس المحامى
3 أسئلة الكل بيسألهم اليومين دول
1.
متى سيتم تسديد الزيادة المقررة لقانون الإيجارات الجديد؟
خلونا نتفق الأول
- الزيادة الأولى كانت بعد التصنيف:
بتبدأ من "موعد استحقاق الأجرة الشهرية التالية لتاريخ العمل بالقانون"
ووقتها كان فى فترة مهلة لحين صدور التصنيفات.. وبمجرد ما التصنيفات صدرت
. أول ما المحافظ نشر نتيجة لجان الحصر
والتصنيف في الجريدة الرسمية،
((بدأ المستأجرين تدفع القيمة الجديدة من الشهر اللي بعده مباشرة كاملة طبقا للتصنيف الخاص بها )))
- الزيادة السنوية 15% بتبدأ رسمياً اعتباراً من شهر سبتمبر 2026. وتتكرر كل سنة لمدة 7 سنين للسكني
و5 سنين لغير السكني.
ملحوظة: لحين انتهاء اللجان، كله كان بيدفع مؤقت 250 جنيه شهرياً.
يعنى
الزيادة الجديدة تبدأ من شهر سبتمبر (9)
2. كيف تحسب الزيادة
هل تحسب على آخر زيادة؟
أيوه.
الزيادة السنوية 15% بتتحسب "على القيمة الإيجارية المحددة
بعد آخر زيادة رسمية تم إقرارها".
يعني مش على الإيجار القديم الأصلي.
بتكون تراكمية: كل سنة 15% على قيمة السنة اللي قبلها.
مثال: لو بقيت 1000 جنيه بعد التصنيف،
السنة الجاية تبقى 1150 جنيه.
3. إذا رفض المالك استلام الأجرة ماذا أفعل؟
القانون ترك الأمر للقاعدة العامة في قانون الإيجار:
1. اعرض الأجرة عرض قانوني
روح لمحضر المحكمة التابع لها الشقة واعمل "إنذار عرض أجرة". بتودع الفلوس في خزنة المحكمة.
2. احتفظ بالإيصال: ده بيعتبر سداد وبيحميك من دعوى الطرد بسبب التأخير.
3. اوعى تمتنع عن الدفع
: لأن الامتناع سبب من اسباب إخلاء.
العرض عن طريق المحكمة يثبت حسن النية.
خد بالك إنك تكون سددت اى فروق مستحقه للمالك فى الفترة الانتقالية
---
للمراجعه
- *التصنيف الجديد
: 20 ضعف بحد أدنى 1000ج للمتميزة،
10 أضعاف بحد أدنى 400ج للمتوسطة، 10 أضعاف بحد أدنى 250ج للاقتصادية
- الزيادة السنوية: 15% كل سبتمبر وتتحسب على آخر قيمة
- رفض الاستلام: اعمل انذار عرض وإيداع في المحكمة فوراً
.. وكل معلومه قانونية وانتم طبين
