كتب - محرر الاقباط متحدون
قال وليد العجوز، مدير سيزلر:"أنا الذي قالت الفتاة إنني منعتها من الصلاة.
مضيفا خلال مقطع فيديو عبر حسابه على موقع التواصل الاجتماعي فيسبوك:"كل كلمة هقولها في مقابلها فيديوهات الواقعة من أول دخول البنت وأصحابها الفرع للحظة خروجهم.
لافتا:" لما حد بيجي يسأل على مكان للصلاة بنوجه لمصلى المول، وهو ميبعدش خمسين متر، والناس بتستجيب وترجع تشكرنا.
موضحا:"الموقف بدأ مع مدير زميل ليا، والست كانت عايزة تصلي جنب المطبخ وقالها مينفعش، لكن سابوه وراحوا على الاتجاه العكسي.
وتابع:"مهتموش بكلامه، فقررت أتكلم معاهم بكل ذوق وأدب، قولت لها: حضرتك مش هينفع الصلاة هنا، وشاورت لها وقولت لها مصلى المول على بُعد 50 متر، هي مهتمتش بكلامي تماما وبدأت تصلي.
كما اوضح:" الموضوع كان مع صاحبتها مش الست اللي بتصلي، قولتلها في مصلى في المول، قالتلي: إحنا مش جايين المول، بل جايين سيزلر، قولتلها يعني مش هتروحوا التواليت في المول؟ قالتلي: خلاص، وبلاش أعلي صوتي.
وواصل:" قولتلها: مش من حقك تعلي صوتك، بدأت تتمادى وتعلي صوتها وأنا مش صغير، ومش هينفع حد يهيني، ده مش مقبول، أنا مغلطتش، التوجيه تم بالاحترام.
موضحا:"اللي بتصلي خلصت صلاة وبدأت حفلة زعيق في وسط المكان، قولتلهم التصرف ده مش صح وأنا هطلب الأمن.
مشيرا:" الصوت كان عالي أوي، تلاتة بيزعقوا، والنتيجة قطع عيشي وإنهاسعيدة بقطع عيشي'> سعيدة بقطع عيشي وإنها هتعمل صدقة جارية على روح أبوها.
