كتب - محرر الاقباط متحدون
أعرب النائب فريدي البياضي عن رفضه قرار الحكومة رفع أسعار شرائح الكهرباء للاستخدام المنزلي بنسبة 12%، مع استثناء الشريحة الأولى، مستنكرا استمرار الزيادات المتتالية في أسعار الخدمات.
وقال البياضي خلال مداخلة مع الإعلامي جابر القرموطي:"القصة مش قصة زيادة كهرباء 12 في المية، القصة قصة نهج الحكومة بتعمله.
لافتا:"كل ما تتزنق في فلوس تحط إيدها في جيب المواطن، ده أول وآخر حل بالنسبة لهم، ده منهج الحكومة ماشية عليه، بالتالي لن يستقيم الأمر بالطريقة دي.
موضحا:"صندوق النقد الدولي مقالش يفرموا المواطن، بل طالب بترشيد الإنفاق، المواطن مفروم، بيعاني أزمات كتير.
كما أوضح:"لسه أزمة العدادات الكودية، وأزمة المعاشات، في ناس مقبضتش لسه معاشات، وأزمة المدرسين اللي مش عارفين يتعينوا، جانب زيادات الكهرباء والمياه.
وواصل:"المواطن هيلاقيها منين ولا منين؟ جيب المواطن اتخرم، ودماغه اتخرمت، وحياته كلها اتخربت.
