الأب جون جبرائيل الدومنيكانيّ
المشهد مخيف فعلًا: عشرات الآلاف بيجروا ناحية الحدود وكأنهم بيهربوا من سجن، مش بيغادروا وطن.
هنا في أوروبا، ممكن في ساعة أو ساعتين تكون بتتنقل بين ألمانيا أو فرنسا أو هولندا أو بلجيكا، والحدود بين دول كثيرة مفتوحة أصلًا. ومع ذلك، الناس مش بتسيب بلدها وتجري على بلد الجيران.
ليه؟
لأن الانتماء للوطن وحده مش كفاية. الناس بتتمسّك بوطنها لما تعيش فيه بكرامة وحرية، وتلاقي تعليم محترم، ورعاية صحية، وضمان اجتماعي، وقانون يحميها، وفرصة حقيقية للمستقبل. الوطن مش نشيد ولا علم ولا كلام كبير عن الحب والانتماء.
الوطن الحقيقي هو بلدك لما تكون هي المكان اللي بيديك أسباب حقيقية تخليك عايز تفضل فيه… حتى لما الباب يكون مفتوح.
