كتب - محرر الاقباط متحدون
قالت الدكتورة مروة مرسي، رئيس قسم المحافظات في جريدة الوطن، خريجة برنامج شباب الإعلاميين بالهيئة الإنجيلية:" انا بشوف إن الست بتقدر تعمل حاجات، يعني أنا مثلاً فاكرة إن في حد قالي: يعني إيه رئيس قسم محافظات؟ إنتِ بتتعاملي مع الصعايدة؟ أقول: آه، بتعامل مع الصعايدة.
مضيفة خلال بودكاست "يلا حوار"، الذي أطلقه منتدى الثقافات التابع للهيئة القبطية الانجيلية:"بقعد أقول له: يا عمدة، ويلا يا باشا، وأنا أختك الصغيرة، وممكن يكون أكبر مني سنا وأكثر مني كمان في المهنة، بس أنا قادرة أتعامل معاه، وممكن أنزل بالليل.
موضحة:"أيام الثانوية العامة روحت بيتي الفجر، أنا أقدر أنزل وأروح وأشتغل زيي زي الراجل، فما فيش حاجة اسمها اختلافات، ما فيش حاجة اسمها اختلاف ما بينا.
لافتة:"فده كان مهم قوي نتعلمه في الهيئة، ونتعلمه في البدايات، المهم إن مروة كانت تاخده وهي لسه متخرجة من إعلام، مهم قوي إن محمد كان ياخده.
وواصلت:"فده كان مهم جدا، أنا مبسوطة وفخورة إن أنا كنت من شباب الإعلاميين في الهيئة الإنجيلية.
