علق محمد نور رئيس قطاع الناشئين بنادي الاتحاد السكندري، على أزمة اللاعب مكاري، قائلا :" الموضوع خد أكبر من حجمه بكتير وفي الحقيقة الموضوع كان بسيط جدا وينتهي بسهولة.
مضيفا في تصريحات لقناة مودرن:"اثناء اختيار المرحلة الثالثة، واحد سأل: فين كابتن نور؟ وقابلني وقالي: ابني المدرب قاله بعد ما اختاره: اسمك إيه؟ قاله: اسمي مكاري، فقاله: لا، انت متنفعش معانا.
موضحا:" استدعيت المدرب، قالي: أنا بقوله اسمك إيه؟ قالي: مكاري، فقولتله: الاسم ده صعب يا مكاري، وضحك وهزر على أساس إن الموضوع هزار.
وتابع:"وأنا كنت قلت لولده لما حكالي، أكيد وهو بيقوله الكلام ده أكيد مش بيتكلم بجد، أكيد بيهزر، لأن مستحيل الفكر ده يكون عندنا في النادي.
وواصل :"مستحيل الكلام ده يكون موجود عندنا، وعلى مدار سنين في لاعيبين مسيحيين ومدربين، ومخطط أحمال الفريق الأول اسمه جورج, إحنا مصريين حاجة واحدة، والولد تم اختياره.
