كتب - محرر الاقباط متحدون
قالت الكاتبة والشاعرة فاطمة ناعوت :"وصلتني تعليقات ورسايل كتير جدا تسألني عن رأيي في رفع كابتن حسام حسن علم فلسطين بعد فوز منتخبنا المصري العظيم على أستراليا وصعودنا الدور ١٦، والحقيقة مش عارفة ليه الناس عاملين أزمة من القصة دي؟! بالعكس شايفة إنها لفتة لطيفة جدا منه.
مضيفة عبر صفحتها على فيسبوك :" لما كابتن منتخبنا يرفع علم فلسطين مع علم مصر في لحظة انتصار، فكأن مصر بتبعت رسالة لإخواتنا في غزة إننا حتى في لحظات الفرح فاكرينكم ومش ناسيين قضيتكم، مش شايفة فيها مشكلة بالعكس رسالة لطيفة وصفعة إضافية على وجه الصهاينة وإسرانيلة
ليه شايفينها حاجة سلبية؟!.
وتابعت:"النقطة المهمة اللي الناس أغفلتها هي أن حسام حسن لم يترك علم مصر أبدا، بل هو ومنتخبنا كله شايلين علمنا طول الوقت منذ بداية المباريات، بل منذ نشأة المنتخب المصري، النقطة التانية هي إنه مكنش مجهز علم فلسطين معاه، ده حد من الجماهير أهداه له، فرفعه بشكل تلقائي وأي حد شريف مكانه كان هايعمل كده، مش معقول ياخد العلم يركنه، دي فلسطين يا عالم.
ورأت :"يعني موقف عفوي مش مترتب. لكن الثابت هو أن حسام حسن طول الوقت شايل علم مصر بيجري بيه طول الملعب وعرضه، ودايما افتكروا فرحة العالم كله بفوزنا وفرحة أطفال فلسطين اللي خرجوا شايلين علم مصر لحظة جون محمد صلاح في الضربات الترجيحية، المحبة حلوة يا حبايب مصر.
