كتب - محرر الاقباط متحدون
علق أحمد سامر، مؤسس حركة علمانيون، على رفع حسام حسن فلسطين'> علم فلسطين بعد انتهاء مصر وأستراليا'> مباراة مصر وأستراليا في كأس العالم.
وكتب سامر عبر حسابه على فيسبوك :" عمري ما رفعت علم لبلد في حياتي غير علم مصر حتى مع تضامني الكامل والصادق مع ضحايا تفجيرات باريس رفضت وضع العلم الفرنسي على صورة البروفايل زي ما كتير عملوا وقتها.
مضيفا :"مفيش اي مبرر ابدا انك ترفع علم تاني لبلد غير بلدك، وبدون تجاوز وبدون تنميط كل واحد حر يعمل الي عاوزه بس لازم نقف عند الحدث ده ونقول رأي اتعاملوا مع علم بلدكم بشكل مقدس .. لانه ملوش تعامل تاني غير كده، ولحد النهاردة رفع العلم السعودي داخل البرلمان المصري حاضر قدامي، زي لما اتضايقت من المصريين الي رفعوا اعلام دول الخليج وقت ضرب إيران للخليج من شهرين .
لافتا:"لما رسمت لوجو علمانيون الديزاينر الي هينفذ قالي وجود العلم المصري في اللوجو مش احسن حاجة بصريا واصوات تانية قالتلي العلم المصري هيقفل على الرسالة ويخليها محلية،طب .. ما الرسالة والغاية هي مصر و علمانيون معمولة علشان مصر .. والمنتخب اسمه مصر'> منتخب مصر .. مصر القٖبلة والبوصلة فمتعرفش غيره والموضوع مش فلسطين ولا فلسطين'> علم فلسطين .. الموضوع علم مصر .
واختتم :"انا عارف أنه كتير هيشوف دي افوره .. وخصوصا من الجيل الجديد وخصوصا مع الانحدار الي حصل في السنوات الاخيره والي خلق تحديات حول مفهوم الانتماء . بس معلش .. هي مصر ..وده إحساسنا بيها.
