بقلم جورج حبيب
من الميلاد لطول الحياة قصة طويلة
فيها اللي يبكّي واللي يفرِّح ولو لدقيقة
ولحظات تحتاج معونة ودي موش بسيطة
وناس تقابلهم وتركوا أثار عميقة
وناس جرحوك بقسوة بجروح عميقة
وغيرهم عاشرتهم عمر وهمَّه سبب المصيبة
وناس قابلتهم دقائق وكم كانت مقابلتهم رقيقة
تفتكرهم طول مدة عمرك ودي الحقيقة
والرحلة ماشية والكاميرا دقيقة
ولولا إيد ربنا اللي ستراك
كنت وقعت وقعة مهينة
وربنا ماسككك في إيده الأمينة
ولولاه كنت وقعت في حفرة ولو صغيرة
وغرقت في شبر مَيْه
وضاعت منك قوتك وكل عزيمة
وهي دي الرحلة من الميلاد ولأخر العمر برؤية دقيقة
