دور على الشبعان.. دكتور مجدي إسحق 
دور على الشبعان، ويا ويلك من الجعان.. 

الجعان ده هيخلي ايامك اصعب من الصعب!! 

الجعان جعان وهو بياكل مهما اكل ما بيشبعش.. والجعان جعان وهو بيشتري مهما اشترى ما بينبسطش.. 

والجعان جعان وهو بيتكلم مهما اتكلم ما بيسكتش..

والجعان جعان وهو بيطلب مهما طلب ما بيبطلش..

لكن تعالى بقى للشبعان، عينه مليانه عمره ما يبص للي في ايد غيره، قلبه مليان عمره ما يشحت مشاعر من حد، جيبه مليان حتى وهو فاضي عمره ما يذل نفسه بالطلب من حد.. 

راضي ومتراضي باقل من القليل ، منين ما تشوفه فرحان وبيفرح الناس، شاكر ربنا على كل نعمه القليلة قبل الكثيرة..

دور على الشبعان واهرب من الجعان..