كتب - محرر الاقباط متحدون
قال القمص بولس جورج، كاهن كنيسة مار مرقس بمصر الجديدة:"أعظم نعمة منحها الله للإنسان هي الحرية.
مضيفا خلال برنامج (الراعي الصالح) المُذاع عبر قناة (مي سات)، القبطية الارثوذكسية:"وأكبر نقمة استغلها الإنسان ودمر بها حياته هي الحرية.
لافتا:"الله خلق الإنسان حرا، لا ليعبده قسرا، بل ليأتي إليه عن حب وإرادة، لذلك خلقنا احرارا .
كما لفت :"لكن الإنسان استغل الحرية دي في حاجات مش كويسة، وفيه يقولوا مادام أنا ما بأذاكش أنا حر إن أنا أعمل اللي عاوزه.
وأضاف:"لدرجة إن الجواز بدأ ينقرض في أوروبا وفي أمريكا، وبقت العلاقات بوي فريند وجيرل فريند.
وواصل:"لكن الحقيقة ربنا كان واضح قوي، والقديس بولس الرسول بيقول كده: إذ لم يستحسنوا أن يبقوا الله في معرفتهم أسلمهم الله إلى ذهن مرفوض.
وتابع:"وتنبأ باللي هيحصل الأيام دي، فبيقول إن الرجال تركوا الاستخدام الطبيعي لنسائهم، واشتعلت شهواتهم ذكور بذكور وإناث بإناث.
موضحا :"فاللي أنت بتشتكي منه النهارده قاله بولس الرسول من 2000 سنة، ومن أيام لوط لما كان في سدوم وعمورة شذوذ جنسي.
وواصل:" وبالتالي الموضوع مش جديد، هو الشيطان ورا العالم، والإنسان اللي مش ماسك في ربنا هيضيع.
