كتب - محرر الاقباط متحدون
أعلن الفنان مراد مكرم انتهاء تعاقده مع قنوات CBC، وتوقفه عن تقديم برنامج الأكيل، بعد 12 عاما.
وكتب مكرم عبر حسابه على فيسبوك:"بعد سنوات من العمل، أعلن اليوم عن انتهاء تعاقدي مع شبكة قنوات CBC…الخبر ده مش سهل يتكتب في سطرين، لأن CBC ما كانتش مجرد شاشة بطلع منها، دي كانت بيتي التاني.
مضيفا:"من أول يوم دخلت فيه المكان ده، وأنا حاسس إني وسط عيلة حقيقية بتشتغل بحب، باحترام، وبإيمان إن اللي بنقدمه للناس لازم يكون نابع من ضمير حقيقي ومسؤولية, بحب أشكر كل حد اشتغلت معاه، قدام الكاميرا ووراها، من إدارة، إعداد، إخراج، فريق إنتاج، زملاء ومذيعين… كل شخص ساهم في تجربة عمر، وكل شخص علمني حاجة حتى من غير ما يقصد، كان فيه دعم، وكان فيه احترام، وده أغلى حاجة ممكن أي حد يطلع بيها من مكان شغل.
لافتا:"أغلق صفحة مهمة في حياتي المهنية، وأنا ممتن لكل لحظة فيها، ومتطمن إن اللي جاي مكمل على اللي فات، بخبرة أكبر وقلب هادي ونية صادقة.
واختتم :"شكرا CBC…وشكرا لكل اللي كانوا جزء من الرحلة. إلى لقاء جديد… وخطوة جديدة بإذن الله.
