كتب - محرر الاقباط متحدون
استنكر الإعلامي إبراهيم عيسى قيام المتشددين بحرق شجرة عيد الميلاد في عدد من الدول، وكراهيتهم للصليب.
وأضاف عيسى عبر قناته على يوتيوب :"أنا مش فاهم، انت ليه متضايق من الصليب؟.
وواصل:" ليه هذا المتطرف السلفي؟ ليه هؤلاء الوعاظ اللي بيغذوا الكراهية ويحرضون ضد كل مظاهر التدين المسيحي؟ ليه زعلان من الصليب؟ أنا مش فاهم ؟! .
وتابع :"إيه اللي يزعلك في الصليب؟ مال الصليب مش احنا في القرآن الكريم وفي قصصنا الدينية الإسلامية بنقول إن اليهود حاولوا صلب سيدنا المسيح وعملوا الصليب، لكن شبه لهم والمسيح رُفع في السماء، دي قناعتنا الدينية الإسلامية.
موضحا :"أما في القناعة الدينية المسيحية فتقول إنه صُلب ثم مات ثم قام، ومن هنا عيد القيامة.
كما أوضح :"إيه المشترك في الاثنين؟ هنا المشترك في الروايتين الإسلامية والمسيحية إن في صليب.
مشيرا :" والصليب ده بقى عنوان ورمز لفكرة تعذيب، رمز ونموذج ومثال للسماحة والتسامح والقرب إلى الله.
