ليـه جـي بتاخُد صُورتي، وانتَ اللي كُنْ فَيَكُونْ
بتبارِك في طبيعتي، واخترتَ العَذرا تكونْ
سُلَّم يَعقوب بتوصَّل، وصِفاتها دي تِسبي عيونْ
فقيرة صحيح متواضعة، والـبِشري خَلاص للكُونْ.....................................
أنا عارِف مش هتِحمَّل تَظهَر يا إِلهِ الكُونْ
حَلِّيت في أَحشاءَ مَريم، علشان نِشوفْ بعيونْ
مُتجسِّد كُلِّي القُدرَة، وده يَأمُر كُلُّه يَكونْ
كيف سَاعتَك بَطن العَذرا، وبِقيت طفل ويتكَوَّنْ.....................................
النازِل من سَمَاه، ومعاه الفَرَح بلُّونْ
يَغفِر للكون خطاياه، ولآدَم أَصبَح عونْ
طِفل المِذوَد ما أحلاه، علشانه العُمر يهونْ
رَدَّ آدم وأَحياه، وآهو جِي يِفدي الكُونْ.................................................
ترتيل في السماء، والأرض مَسَرَّة تكونْ
ده ميلادَك يا ابن الله، فَكّ كُلّ السُّجونْ
حَرَّرنا وسِرنا معاه، والصَّعب معاه بيهونْ
وَهَب لينا الحياة، وقَفَّل باب الأَتونْ.................................................
✍️ ممدوح الديري ✍️
