ديڤيد ويصا
 حاجة من الحاجات اللي مهما سمِعت وقريت عنها 
 
مش بقدر استوعبها ولا احُطّلها تعريف، هي "نعمة الله"
 
لما بختبِر إكرام الله ليّ، سواء في حياتي أو في الخدمة ..
 
رغم عدم أمانتي في أوقات كتيرة وبطرق مختلفة ..
 
لما مثلًا يدّيني نعمة في عينين الناس ..
 
أو يحمّلني مسؤولية انا عارف اني مش كفؤ ليها ..
 
أو يكرمني بنجاح يفوق اجتهادي وقدراتي ..
 
ورغم اني عارف ان اللي بزرعه هحصده، مهما طال الوقت ..
 
بس مش بقدر افهم إكرامه ليّ في الوقت ده!
 
ورغم اني اختبرت كتير ان ممكن نعمته دي تكسفني ..
 
وتخلّيني اظبُط حاجات كتير في حياتي كنتيجة للنعمة ..
 
ورغم اني بردو اختبرت كتير اني ممكن استهبل واكمّل في سكّتي ..
 
كما لو كنت واخد امتيازات النّعمة بدون مسؤوليّة من ناحيتي ..
 
إلا إني بردو مش قار استوعِب حكمة الله في نعمته ليَّ!
 
خُلاصة علاقتي مع الله ممكن احُطّها في جملة واحدة ..
 
إني دايمًا بستمتع بمعاملات الله ونعمته ..
 
مهما كنت مش فاهمها أو مستوعبها ..
 
وأعتقد ان حاجات كتير في المسيحيّة والحياة كده ..
 
مش موجودة عشان نستوعبها ..
 
لكن عشان نستمتع بيها وتشكّل فينا!